| e-texts navigator |
| བོད་ཡིག |
60a1 can de zil gyis mnan/ /sa la sprin gyi tshogs bzhin du/ /chos kyis yongs su tshim par byed/ /sems can rnams kyi sdug bsngal ni/ /sman pa'i rgyal po bzhin du sel/ /sems ni rtse gcig mnyam bzhag
60a2 pas/ /de dag rnam rtog spyod yul min/ /de dag khro ba lhur mi len/ /'phyar ba la yang mi gnas so/ /dus dang dus min rnam shes shing / /don shes pa yis rnam par 'dren/ /rtag tu bzod stobs la dga' rnams/ /shes pa'i las
60a3 rnams byed par 'gyur/ /mkhas dang mthu la brtan pa dang / /chos shes pa la mkhas pa dang / /dpa' zhing sems stobs che ba ste/ /rlung gis chang ba'i rdul bzhin du/ /sdig can rnams ni zil gyis gnon/ /phyogs
60a4 rnams dag tu gsal gnas pa/ /nyi ma 'char ba ji bzhin no/ /mkhas pa de dag rang don la/ /ched du smra ba brjod mi byed/ /'jig rten rnams la phan pa'i phyir/ /bsam gtan mngon shes dag la mkhas/ /de dag rnam pa
60a5 'di 'dra bas/ /bdud kyi steng na gnas pa yin/ /sems can rnams la brtse ba'i phyir/ /'jig rten mar me byed cing rgyu/ /shA ri'i bu gzhan yang chos bzhi dang ldan na byang chub sems dpa' bzod pa sgrub pa yin te/
60a6 bzhi gang zhe na gus pas tshul khrims srung zhing so sor thar pa la khyad du mi gsod pa dang / gus pas byams pa sgom par byed cing gnod sems la sbyor bar yang sbyong bar byed pa dang / thams cad mkhyen pa la 'dun pa drag po
60a7 skyed par yang byed pa dang / dge ba'i chos thams cad la gces pa mi 'dor ba ste/ shA ri'i bu chos bzhi po de dag dang ldan na byang chub sems dpa' bzod pa sgrub pa yin no/ /bcom ldan 'das kyis de skad ces bka'
60a8 stsal te/ bde bar gshegs pas de skad gsungs nas/ ston pas gzhan yang 'di skad bka' stsal to/ /de dag sangs rgyas kyis bsngags pa'i/ /tshul khrims ma nyams ma ral srung / /tshul khrims phung po dag pa la/ /
iiif viewer powered by OpenSeadragon
Texts on this page
J190 - byang chub sems dpa'i so sor thar ba chos bzhi sgrub pa zhes bya ba theg pa chen po'i mdo