| e-texts navigator |
| བོད་ཡིག |
33a1 srin bu'i tshogs re re la srin bu brgyad cu brgyad cu yod la/ mchu rno zhing mchu kha gnyis na yod de/ de dag rtag tu rgyun mi 'chad par bud med kyi lus la za'o/ /des na nyon mongs pa dag gis bud med log par
33a2 g.yem spyo ste/ 'dod pa yongs su spyod pa dag gis ngoms mi myong ngo / /shA ri'i bu de ltar na 'dod pa rnams ni nyes dmigs yin par mthong na de dag 'dod pa rnams las yid 'byung bar 'gyur/ 'dod chags dang bral
33a3 bar 'gyur te/ mngon par dga' nas tshangs par spyad pa spyod cing bzhin dang 'phral ba'i mdangs gsal ba yin no/ /shA ri'i bu 'di ni 'dod pa'i phung po las brtsams nas chos bstan pa yin te/ shA ri'i bu
33a4 'dod pa yongs su spyod pa dag las yid 'byung bar bya'o/ /shA ri'i bu kun nas nyon mongs pa gang zhe na/ shA ri'i bu kun nas nyon mongs pa ni rang gis byas pa'o/ /shA ri'i bu rnam par byang ba dang rnam
33a5 par zhi ba gang zhe na/ shA ri'i bu rnam par byang ba dang rnam par zhi ba ni rang gis byas pa'o/ /shA ri'i bu kun nas nyon mongs pa ni gang / rang gis byas pa ni gang zhe na/ chos su 'du shes pa la mngon par zhen pa
33a6 gang yin pa'o/ /chos su 'du shes pa la mngon par zhen pa gang zhe na/ 'di lta ste/ skye bar 'du shes pa dang / 'gag par 'du shes pa dang / bdag yod pa dang / bdag med par bdag tu 'du shes
33a7 pa la mngon par zhen pa yod de/ de ni de bzhin gshegs pas chos kyi phung po zhes bka' stsal to/ /shA ri'i bu byis pa so so'i skye bo rnams ni long ba yin te/ gzugs kyi phung po'o zhes rlom sems su byed/
33a8 tshor ba dang / 'du shes dang / 'du byed rnams dang / rnam par shes pa'i phung po'o zhes rlom sems su byed de/ rlom sems su byed na 'ching ngo / /rlom sems su mi byed na grol lo/ /shA ri'i bu
iiif viewer powered by OpenSeadragon
Texts on this page
J187 - 'phags pa chos kyi phung po zhes bya ba theg pa chen po'i mdo