rKTs

e-texts navigator

Volume

Page

330a₁ sems dpa' sems dpa' chen po'i rjes su 'brang bar 'gyur ba de yang byang chub sems dpa'i thabs mkhas pa yin no/ /de ci'i phyir zhe na/ ngas ni lha sbyin la gnas te pha rol du phyin pa drug yongs su
330a₂ rdzogs par gyur cing sems can dpag tu med pa'i don byas so/ /rnam grangs gang gis zhe na/ rigs kyi bu 'di la gang gi tshe sems can dag bde ba dang ldan par byas pa de'i tshe sbyin par yang mi shes/ len par
330a₃ yang mi shes nas lha sbyin byang chub sems dpa'i gan du 'ongs te/ bu slong chung ma slong rgyal srid slong / lag pa dang / rkang pa dang mig dang / mgo dang / de la sogs pa gzhan dag kyang gang dka' bar spyod
330a₄ pa/ sems can rnams kyi dge ba'i rtsa ba bskyed par byed pa dag slong nas byang chub sems dpa' ma zhum par gyur cing sbyin pa byed de/ de mthong nas kyang sems can dpag tu med pa dag dga' zhing sbyin pa la mos par gyur te/
330a₅ bdag cag kyang 'di 'dra bar gyur cig ces byang chub tu smon lam 'debs shing tshul khrims 'dzin par byed de/ gang tshul khrims 'dral bar 'dod pa dag kyang de nas byang chub sems dpa' tshul khrims mi 'dral ba de mthong nas
330a₆ kyang sems can dpag tu med pa dag tshul khrims len par byed de/ brgyab bam brdegs sam/ spyos kyang mi khro zhing de dag bzod pa rdzogs par 'gyur bas rnam grangs de'i phyir sems can dpag tu med pa'i don byas so/ /
330a₇ gang yang lha sbyin gyis de bzhin gshegs pa gsad par bshams pa dang / bal glang nor skyong btang ba dang / rdo'i sgyogs 'char bcug pa de yang de bzhin gshegs pa'i thabs mkhas par shes par bya'i/ las kyi sgrib
330a₈ pa'i nyon mongs pa ni ma yin no/ /de ci'i phyir zhe na/ thabs mkhas pa 'di la gnas nas sems can dpag tu med pa'i don byas so/ /rigs kyi bu mdor na lha sbyin grags par 'dod pa de ni nga'i ston pa yin no/ /

_{iiif viewer powered by OpenSeadragon}

329b - 330b

Texts on this page