| e-texts navigator |
| བོད་ཡིག |
32b1 de dag mchu rno zhing mchu kha gnyis na yod la/ kha zas yongs su zos pa rnams kyis tshim par mi 'gyur zhing / de ma dag ma spungs pa'i drung du 'dug na/ ji tsam na srog chags de dag mes gdungs par gyur pa dang / de la
32b2 phyir zhing za bar byed yongs su za bar byed na/ shA ri'i bu 'di ji snyam du sems/ mi de srog chags de dag gis zos pa yin nam/ 'on te ma zos/ de skad ces bka' stsal pa dang / tshe dang ldan pa shA ri'i bus
32b3 bcom ldan 'das la 'di skad ces gsol to/ /bcom ldan 'das bdag ni 'di thos pa nyid kyis lus kyi spu zing zhes bgyid par gyur na mi de'i mi mthun pa lta smos kyang ci 'tshal te/ bcom ldan 'das mi de ni srog chags kyi
32b4 rigs de dag gis 'tshal ba lags kyi ma 'tshal ba ni ma lags so/ /de srog chags brgyad khri bzhi stong po de dag gis lus g.ya' bar bgyid cing 'di ltar zhi bar mi bgyid la/ bde ba thob par yang mi bgyid pa lags so/ /
32b5 shA ri'i bu 'di ji snyam du sems/ mi de'i lus rnag dang khrag 'dzag cing de lta bur gyur pa de smad par bya ba yin nam/ gsol pa/ smad par bgyi ba lags/ mi mthun pa lags/ blta bar mi 'os pa lags so/ /
32b6 bka' stsal pa/ shA ri'i bu de bzhin du dge slong mkhas pa dag ni 'di la so so yang dag par slob ste/ bud med ni 'di ltar btsog pa/ 'di ltar dri nga ba/ 'di ltar mi mthun pa/ 'di ltar blta bar mi 'os pa'o/ /nyon mongs pa
32b7 khol ba'i bud med de dag bstan par bya ba ma yin te/ 'dod pa rnams ni dri nga ba'o/ /'dod pa rnams ni mi mthun pa'o/ /'dod pa rnams ni mi gtsang ba'o/ /'dod pa rnams ni blta bar mi 'os pa'o zhes bcom ldan 'das kyis
32b8 bka' stsal to snyam mo/ /shA ri'i bu skyes pa'i lus la yod pa lta bu ma yin pa/ bud med la ches lhag pa srin bu'i tshogs lnga yod de/ shA ri'i bu srin bu'i tshogs lnga po de dag ni bud med kyi gci ba'i lam na gnas te/
iiif viewer powered by OpenSeadragon
Texts on this page
J187 - 'phags pa chos kyi phung po zhes bya ba theg pa chen po'i mdo