| e-texts navigator |
| བོད་ཡིག |
32a1 med ma yin/ skyes pa ma yin/ sems can ma yin/ srog ma yin/ gso ba ma yin/ gang zag ma yin te/ de dag ni phung po lnga la phyin ci log pa las byung ba'o/ /shA ri'i bu dge
32a2 slong ngam/ bram ze gang dag kha cig 'dod pa rnams kyi nyes dmigs yang dag pa ji lta ba de bzhin du rab tu mi shes pa de dag ni 'dod chags kyi yongs su gdung bas gdung bar 'gyur la/ kha dog ngan cing skya skya bor 'gyur ro/ /
32a3 shA ri'i bu 'di lta ste dper na shing ljon pa chen po'i lo ma 'am/ ljon pa'i 'bras bu smin pa 'brul ba'i tshe skya bor 'gyur ro/ /shA ri'i bu de bzhin du dge slong ngam/ dge slong ma 'am/ dge bsnyen nam/ dge bsnyen ma
32a4 gang dag kha cig 'dod pa rnams kyi nyes dmigs yang dag pa ji lta ba bzhin du rab tu mi shes pa de dag ni 'dod chags kyi yongs su gdung bas gdungs par 'gyur/ kha dog ngan par 'gyur/ bsam pa mi gsal bar 'gyur/
32a5 kha dog ngan cing blta na mi sdug par 'gyur ro/ /shA ri'i bu dge slong gang dag gsar bu dar la bab pa/ gzhon nu rab tu byung nas ring po ma lon pa de dag ni 'dod pa rnams dngos po med do zhes 'dod pa rnams yang dag pa
32a6 ji lta ba bzhin du rab tu shes so/ /'dod pa'i rtog pa skyes na yang myur ba nyid du rab tu zhi bar byed de/ de dag mi dge ba yin par shes par yang byed do/ /shA ri'i bu de ltar na dge slong dag gis 'dod pa rnams kyi nyes
32a7 dmigs mthong nas 'dod pa de dag las yid 'byung bar byed/ 'dod chags dang bral bar byed de/ mngon par dga' nas tshangs par spyad pa spyod de/ bzhin dang 'phral ba'i mdangs gsal bar 'gyur ro/ /shA ri'i bu
32a8 'di lta ste/ dper na mi zhig gi lus la nad kyis thebs la rnag smin nas de'i yan lag dang nying lag thams cad la rma'i kha brgyad khri bzhi stong yod la/ rma'i kha re re la yang srin bu'i tshogs brgyad khri bzhi stong yod de/
iiif viewer powered by OpenSeadragon
Texts on this page
J187 - 'phags pa chos kyi phung po zhes bya ba theg pa chen po'i mdo