rKTs

e-texts navigator

Volume

Page

327b₁ bsrungs par 'gyur ro/ /de ci'i phyir zhe na/ de bzhin gshegs pas ni sems can gang yang yongs su gtang ba med pa'i phyir ro/ /ci'i phyir na mdzes ma kun du rgyu ba srog dang bral nas 'dze ta'i tshal du sbas na de bzhin
327b₂ gshegs pa thams cad mkhyen pas kyang g.yel bar bor zhe na/ de bzhin gshegs pa ni thogs pa med pa'i ye shes dang ldan pas de 'dra bar 'gyur bar yang mkhyen la de bzhin gshegs pas ci nas kyang mdzes ma kun du rgyu ba mtshon
327b₃ gyis mi zug pa dang / gzhan du 'phang bar bya ba de lta bu'i rdzu 'phrul byin gyi brlabs kyang nus mod kyi/ de bzhin gshegs pa mdzes ma kun du rgyu tshe zad pas de nges par 'chi dgos la/ rnam grangs des kyang mu stegs can gzhan
327b₄ dag rang gis nyes pas shin du tshar gcod par 'gyur bar mkhyen te/ chos dkar po rnams 'phel bar bya ba'i phyir gang de bzhin gshegs pas byin gyis brlabs pa de ni sangs rgyas kyi ye shes so/ /de bas na de bzhin gshegs pa
327b₅ zhag bdun du grong du ma gshegs te/ lha bye ba phrag drug bcu'ang btul lo/ /zhag bdun po de 'das nas 'khor bzhi bcom ldan 'das kyi drung du lhags nas/ de bzhin gshegs pas ci nas kyang srog chags brgyad khri bzhi stong
327b₆ gis ye shes rtogs par 'gyur ba de lta de ltar de dag la chos bshad do/ /ci'i phyir na de bzhin gshegs pas zla ba gsum rta'i chas kyi nas gsol ce na/ de bzhin gshegs pas bram ze dang / khyim bdag 'di dag nga spyan drangs
327b₇ nas mi sems par 'gyur ro snyam du'ang mkhyen mod kyi/ de bzhin gshegs pas mkhyen bzhin du der tshul du zhugs so/ /ci'i phyir na gang rta lnga brgya po de dag gi chas la de bzhin gshegs pa dge slong gi dge 'dun dang bcas
327b₈ pas zla ba gsum du gsol te/ rta de dag thams cad kyang byang chub sems dpa'i theg pa la gnas pa sngon gyi rgyal ba la bsnyen bkur byas pa yin na/ de dag sdig pa'i grogs po'i dbang du song bas sdig pa'i las byas te/

_{iiif viewer powered by OpenSeadragon}

327a - 328a

Texts on this page