| e-texts navigator |
| བོད་ཡིག |
31b1 dper na bong mo'i sha ma 'am/ phag mo 'am/ khyi mo'i sha ma dang 'dra bar mig kyang de bzhin 'dug ste/ mig gi 'bras bu'i nang de ni chu'i chu bur lta bur 'dug go/ /de ltar mi gtsang ba 'byung zhing de ltar mi
31b2 'thun pa ste/ rnag dang khrag rab tu 'dzag cing mi gtsang ba rab tu 'dzag go/ /shA ri'i bu mi gtsang ba rnag dang khrag rab tu 'dzag cing chu'i snying po 'dzag pa'i lus la chags pa gang yin pa de lta bu ni mig ces brjod do/ /
31b3 shA ri'i bu 'di la rgyu gang gis mig ces bya ba de'i rgyu ni gang rkyen ni gang zhe na/ de ni lus kyi gtso bo yin te/ gzugs la blta bas thog ma dang / dbus dang / mthar ngoms pa med la lus kyis mi dge ba
31b4 rgya mtsho snyed byed de/ rgyu des na mig ces bya'o/ /shA ri'i bu 'di la gang gis na de mig ces bya ba'i rgyu ni gang rkyen ni gang zhe na/ mi mthun pa'i phyir ro/ /shA ri'i bu mig gi mi mthun pa de gang zhe na/ gang
31b5 gzugs med pa la gzugs su 'du shes pa dang / tshor ba med pa la tshor bar 'du shes pa dang / 'du shes med pa dang / 'du byed rnams med pa dang / rnam par shes pa med pa la rnam par shes par 'du shes pa'o/ /
31b6 yang 'di la rgyu gang gis de mig ces bya ba'i rgyu ni gang rkyen ni gang zhe na/ 'dis dge ba spyod pa nyams par byed de rgyu des na mig ces bya'o/ /'dis dge slong gi dngos po las nyams par byed pas na mig ces bya'o/ /
31b7 shA ri'i bu mig ni mi rtag pa/ mi brtan pa/ ther zug ma yin pa ste/ rgyu des na mig ces bya bar shes par bya'o/ /shA ri'i bu dge slong mkhas pa/ mang du thos pa/ zhum pa med pa rnams kyis ni mig bud
31b8 med ma yin/ skyes pa ma yin/ sems can ma yin/ srog ma yin/ gso ba ma yin/ gang zag ma yin pa dang / shA ri'i bu de bzhin du sbyar te rna ba dang / sna dang / lce dang / lus dang / yid ni bud
iiif viewer powered by OpenSeadragon
Texts on this page
J187 - 'phags pa chos kyi phung po zhes bya ba theg pa chen po'i mdo