| e-texts navigator |
| བོད་ཡིག |
31a1 dag 'dod chags kyis 'phrogs par mi 'gyur ba'i khyad par la ltos/ de ci'i phyir zhe na/ 'dod pa rnams ni dngos po med par shes/ 'dod pa rnams ni mi gtsang bar shes nas de dag 'dod pa rnams kyis
31a2 skyo zhing yid byung la mngon par mi dga' nas tshangs par spyad pa spyod de/ bzhin dang 'phral ba'i mdangs gsal ba yin no/ /shA ri'i bu skyes bu ngan pa rnams kyis ni skyo ba 'am yid 'byung bar mi nus so/ /de ci'i phyir
31a3 zhe na/ shA ri'i bu 'di ltar skyes bu ngan pa de dag ni 'dod pa la kun du rtog pa rnams kyis kun du rtog par byed/ 'dod chags dang bcas pa la 'dod chags dang bcas par rtog par byed pa ste/ shA ri'i bu de lta bu de dag ni skyes
31a4 bu ngan pa rnams kyi kun du rtog pa rnams yin no/ /shA ri'i bu de dag ni za ma dang ma ning 'dod pas zin pa rnams kyi las rnams yin te/ de dag skyes bu dam pa'i las rnams ni ma yin no/ /shA ri'i bu ma ning gang la
31a5 la zhig skyes bu ngan pa rnams kyi kun du rtog pa de lta bu dag la kun du rtog par byed pa ni bdag gis reg go zhes nyams su myong bar byed de/ bu ga dgu'i sgo dang ldan pa 'di mi gtsang ba 'dzag pa 'di la gtsang bar 'du shes
31a6 skyed par byed do/ /'di dag thams cad ni bya ba ma yin pa ste/ de dag ni skyes bu dam pa'i las rnams ma yin no/ /shA ri'i bu dge sbyong ngam/ bram ze gang la la dag 'dod pa'i nyes dmigs yang dag pa
31a7 ji lta ba bzhin du mi shes pa de dag ni bud med la kun du rtog cing mig la mtshan mar 'dzin par byed de/ bai dUr+ya lta bu'i 'du shes su byed la chu'i dbu ba bzhin du 'du shes su ni mi byed do/ /shA ri'i bu 'di lta ste dper na
31a8 bong mo 'brangs pa dang / phag mo 'brangs pa ni 'brangs pas lus stongs par 'gyur zhing lus las sha ma mi gtsang ba btsog pa blta bar bya ba ma yin pa 'byung ngo / /shA ri'i bu mig kyang de dang 'dra bar brjod de 'di lta ste
iiif viewer powered by OpenSeadragon
Texts on this page
J187 - 'phags pa chos kyi phung po zhes bya ba theg pa chen po'i mdo