rKTs

e-texts navigator

Volume

Page

318b₁ mo'i g.yog 'di lta bu spangs te rab tu byung na/ bdag ci'i phyir rab tu mi 'byung zhes de snyam du sems par 'gyur zhing yang byang chub sems dpas byang chub sems dpa'i spyad pa spyod pa na/ gang bud med gzhon nu dag
318b₂ yongs su smin par byas nas de dag kyang mdza' ba yid gcugs pas srid pa tha ma'i bar du bdag cag ni khyod kyi chung mar gyur cig ces smon lam btab la/ de dag gis chos dkar po de rnams kyang shin du yongs su smin par bya ba'i
318b₃ phyir byang chub sems dpa' g.yog lan te/ de la byang chub sems dpa' slas kyi nang na gnas nas bud med bzhi khri nyis stong bla na med pa yang dag par rdzogs pa'i byang chub tu yongs su smin par byas so/ /lhag ma dag kyang
318b₄ mi ltung ba'i chos dang ldan par byas so/ /rnam grangs de'i phyir yang byang chub sems dpa' g.yog len gyi/ gang bud med 'dod chags kyis yongs su gdungs pas yongs su gdung ba de yang byang chub sems dpa' mthong ma
318b₅ thag tu bdag tu 'dod chags dang bral bar shes so/ /yang byang chub sems dpa' ni bdag gi chu zheng dang 'dra bar sprul pa dag sprul nas bud med de dag sprul pa de rnams dang rtse dga' yongs su spyod cing bdag cag ni byang chub sems
318b₆ dpa' dang lhan cig tu rtse dga' zhing yongs su spyod do snyam du sems mod kyi/ byang chub sems dpa' sems dpa' chen po bsam gtan dang ting nge 'dzin gyi dga' ba dang bde ba la gnas so/ /'di la sprul pa rnams kyi 'dod pa la
318b₇ dga' ba dang yongs su spyod pa ji lta ba mar me mdzad tshun cad kyi byang chub sems dpa'i 'dod pa la yongs su spyod pa thams cad kyang de bzhin du blta'o/ /bran tsan ta ka dang / ta kan ta ka yang sngon gyi smon lam las gyur par blta'o/ /
318b₈ ci'i phyir na byang chub sems dpa' shing 'dzam bu'i grib ma na bsam gtan byed ce na/ byang chub sems dpa' de na gnas pas lha bye ba phrag bdun bcu brtul zhing de nges par mngon par khyim nas 'byung bar pha ma la bstan

_{iiif viewer powered by OpenSeadragon}

318a - 319a

Texts on this page