rKTs

e-texts navigator

Volume

Page

316a₁ mi g.yo la sprul pas bya ba thams cad dang / mngal du 'jug pa dang / skye ba dang / mngon par 'byung ba dang / dka' bar spyod pa thams cad ston te/ de thams cad ni byang chub sems dpa'i sprul pa yin no/ /de ci'i
316a₂ phyir zhe na/ byang chub sems dpa' ni gtsang mar spyod pas slar yang mngal gyi mal du mi 'jug ste/ de yang byang chub sems dpa'i thabs mkhas par shes par bya'o/ /de ci'i phyir zhe na/ byang chub sems dpa' ban glang gi bu dkar por bsgyur
316a₃ te ma'i mngal du 'jug par ston ce na/ dkar po'i phyogs yin pa'i tha tshig ste/ byang chub sems dpa' sems can thams cad dang / khyad zhugs pas de'i phyir ci nas kyang lha dang yang mi 'dra/ mi dang yang mi 'dra bar de ltar 'jug pa
316a₄ bstan par bya dgos te/ de yang byang chub sems dpa'i thabs mkhas par shes par bya'o/ /ci'i phyir na byang chub sems dpa' ma'i mngal na zla ba dgur mi gnas par zla ba bcur gnas she na sems can kha cig kye ma'o 'di
316a₅ ni mngal na gnas pa'i dus ma tshang bas dbang po nyams pa zhig byung ngo / /zhes de ltar sems pa'i phyir mngal na dbang po yongs su rdzogs par ston pas zla ba bcur gnas kyi dgur ma yin te/ de yang byang chub sems dpa'i thabs
316a₆ mkhas par shes par bya'o/ /ci'i phyir na/ byang chub sems dpa' grong dang grong khyer du ma skyes kyi dgon par skyes she na/ byang chub sems dpa' ni yun ring po nas dgon pa shin du dgon pa'i bsngags pa brjod par byed
316a₇ la dben pa na gnas shing gtsang mar spyod pa dang / khyim gyi nang du song bar gyur na/ lha dang klu dang / gnod sbyin rnams kyis lha'i dri dang / phye ma dang / me tog dag gis rgyun ma chad par mchod pa byed mi nus pa dang / grong khyer ser
316a₈ skya'i sems can dag rab tu dga' bar gyur pas rgyu dang rkyen de'i phyir byang chub sems dpa' dgon par skyes so/ /ci'i phyir na byang chub sems dpa' ma'i dku brtol te mngal gyi mal du zhugs she na/ sems can gang dag byang

_{iiif viewer powered by OpenSeadragon}

315b - 316b

Texts on this page