rKTs

e-texts navigator

Volume

Page

313a₁ dpa' chen po rnams ni zhi ba'i ting nge 'dzin la gnas kyang sems can rnams la snying brtse ba'i slad du slar yang 'dod pa'i khams su yang gda'o/ /stong pa nyid dang / mtshan ma med pa dang / smon pa med pa
313a₂ la gnas shing nyan thos dang rang sangs rgyas kyi chos rnams la yang ma reg la thams cad mkhyen pa'i sems la yang 'bab par bgyid do/ /bcom ldan 'das byang chub sems dpa' sems dpa' chen po ni bsam gyis mi khyab pa'i
313a₃ thabs mkhas pa la gnas la de ni 'di lta ste/ chags par 'gyur ba'i gzugs dang / sgra dang / dri dang / ro dang / reg bya thams cad la spyod kyang de dag la chags par mi bgyid do/ /byang chub sems dpa' sems
313a₄ dpa' chen po rnams las brtsams te/ dpe chung zad cig gsol bar bcom ldan 'das bdag spobs so/ /bde bar gshegs pa bdag spobs so/ /bka' stsal pa/ 'od srung khyod spobs par gyis shig /
313a₅ bcom ldan 'das 'di lta ste/ dper na 'brog dgon pa zhig mchis la/ 'brog dgon pa de na brtsig pas 'khor ba'i rtse mo'i bar du phyin pa zhig kyang mchis par gyur/ dgon pa de na chab sgo yang gcig pu zhig mchis par
313a₆ gyur/ 'brog dgon pa de na srog chags brgya stong du ma yang mchis par gyur/ 'brog dgon pa de nas shin du rgyang mi ring ba zhig na grong khyer zhig kyang mchis la 'byor pa dang / bde ba dang lo legs pa dang mi'i skye bos gang bar gyur/
313a₇ gang dag grong khyer der mchis pa de dag kyang rga ba dang 'chi bar mi 'gyur la/ grong khyer chen po de'i shul ni mtho gang tsam du gyur la/ de na g.yas g.yon du g.yang sa khru 'bum mchis par gyur cing / 'brog dgon pa de'i dbus
313a₈ na sems can mkhas pa/ zhi ba pa yid gzhungs pa don 'tshal ba/ phan par 'tshal ba/ 'byor pa dang bde bar 'tshal ba gcig cig skyes la des 'brog dgon pa der sems can de dag la 'brog dgon pa 'di nas shin

_{iiif viewer powered by OpenSeadragon}

312b - 313b

Texts on this page