| e-texts navigator |
| བོད་ཡིག |
30a1 @#/ /rgya gar skad du/ Ar+ya d+harma skan d+ha nA ma ma hA yA na sU tra/ bod skad du/ 'phags pa chos kyi phung po zhes bya ba theg pa chen po'i mdo/ sangs rgyas dang / byang chub sems dpa' thams cad la phyag
30a2 'tshal lo/ /'di skad bdag gis thos pa dus gcig na/ bcom ldan 'das ser skya'i gnas na shing n+ya gro d+ha'i kun dga' ra ba na dge slong lnga brgya tham pa'i dge slong gi dge 'dun chen po dang thabs gcig tu bzhugs te/
30a3 de nas tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa 'od srungs chen po dang / tshe dang ldan pa kun dga' bo dang / tshe dang ldan pa sgra gcan zin bcom ldan 'das ga la ba der
30a4 song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa shA ri'i bus bcom ldan 'das la 'di skad ces gsol to/ /
30a5 bcom ldan 'das chos kyi phung po chos kyi phung po zhes bgyi na/ de bzhin gshegs pas chos kyi phung po'i tshad ji tsam gyis chos kyi phung po zhes bka' stsal/ chos kyi phung po ni ji tsam zhig /chos kyi phung po ni
30a6 gang lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu de bzhin gshegs pas chos kyi phung po ni brgyad khri bzhi stong du gsungs te/
30a7 shA ri'i bu de la chos thams cad skye ba med pa 'di ni chos kyi phung po'i rjes su 'jug pa dang po yin no/ /shA ri'i bu chos 'ga' zhig la chos she'am/ chos gang yang skye ba'am 'gag pa zhes nga mi smra'o/ /de ci'i phyir zhe na/
30a8 shA ri'i bu chos thams cad ni skye ba med pa'i chos can dang / 'gag pa med pa'i chos can yin pa'i phyir ro/ /shA ri'i bu 'di lta ste/ dper na ma ning ni skyes pa'am bud med ces bya ba'i ming mi 'thob cing skyes pa 'am bud med ces
iiif viewer powered by OpenSeadragon
Texts on this page
J187 - 'phags pa chos kyi phung po zhes bya ba theg pa chen po'i mdo