| e-texts navigator |
| བོད་ཡིག |
300b1 byang chub sems dpa' nam mkha'i snying po des kyang de dag thams cad bcom ldan 'das la phul lo/ /phul nas bcom ldan 'das kyi zhabs la phyag 'tshal nas 'di skad ces gsol to/ /btsun pa bcom
300b2 ldan 'das nyon mongs pa can snyigs ma lnga dang ldan pa'i sangs rgyas kyi zhing 'dir sems can ma rig pa'i mun pa chen pos rmongs pa rnams la sangs rgyas kyi don bgyi bar ji ltar rngo thog lags/ bcom ldan 'das
300b3 kyis bka' stsal pa/ 'di lta ste/ rigs kyi bu nam mkha' ni ma bcings pa ma grol ba/ nyon mongs pa can ma yin pa/ ma rmongs pa/ rang bzhin gyis dag pa'o/ /nam mkha' la rlung gi rkyen gyis rdul 'thul zhing
300b4 rlung gis dkrugs pas yongs su ma dag pa'i mtshan du snang ste/ chus ni zhi bar byed cing dri ma med la yongs su dag par 'gyur ro/ /de la skar ma dang / gza' dang / nyi ma dang / zla ba'i bye brag mi mngon na ni skad cig dang /
300b5 thang cig dang / yud tsam dang / nyin mo dang / mtshan mo dang / dus dang / lo rnams kyi bgrang ba yang mi mngon no/ /rigs kyi bu de bzhin du de bzhin gshegs pa'i don dam pa stong pa nyid kyi dbang du song ba'i sems ni
300b6 rang bzhin gyis dang ba'i yongs su dag pa yin mod kyi/ sems can rnams kyi blo bur du byung ba'i nye ba'i nyon mongs pa rnams kyis sems nye bar nyon mongs par byas te/ de dag gi phyir de bzhin gshegs pa'i
300b7 thugs rje chen po chu dang mtshungs pas chos 'chad par mdzad do/ /sems nyon mongs pa can du gyur pa'i sems can rnams kyi sems yongs su sbyong bar mdzad pas yongs su dag pa dang / de dag gi
300b8 sems dri ma med par 'gyur te/ de'i phyir sems can de dag de bzhin gshegs pa'i nyi ma shar nas ye shes kyi 'od zer gyis tshim par 'gyur ro/ /sangs rgyas kyi yon tan bsam gyis mi khyab pa la
iiif viewer powered by OpenSeadragon
Texts on this page
J202(a) - 'phags pa nam mkha'i snying po zhes bya ba theg pa chen po'i mdo