| e-texts navigator |
| བོད་ཡིག |
298a1 byed de/ sems can gang sngon bram ze la gus par gyur pa de dag gi rnam par shes pa la ni rigs kyi bu bram ze'i gzugs su ston to/ /gang 'dod pa'i dbang phyug la gus pa de dag la ni 'dod pa'i dbang phyug
298a2 gi bar du ston pa nas/ gang sred med kyi bu la gus pa dang / gang dbang phyug chen po la gus pa dang / brgya byin la gus pa dang / 'khor los sgyur ba la gus pa dang / nyi ma dang / zla ba dang / yul 'khor srung dang / 'phags
298a3 skyes po dang / mig mi bzang dang rnam thos kyi bu la gus pa dang / gang dag lha dang / ri dang / shing dang / chu mig dang / mtshe'u dang / lteng ka sna tshogs la gus pa'i bar du gang dang gang gi skyabs su song ba'i sems can de dag gi
298a4 mdun du bstan nas/ gang gi bsam pa ci 'dra ba bzhin du de'i gzugs kyis 'di skad ces smra'o/ /'phags pa'i bden pa bzhi dag la/ /gang dag shes rab kyis mthong ba/ /'khor ba'i srid pa sgrol ba'i phyir/ /'khor ba na ni de kun
298a5 shes/ /sems can de dag gis chos 'di dag rnam par shes pas shes par byas nas mtho ris la gzhol bar 'gyur ro/ /sems can gang dag sangs rgyas la mngon par dad pa de dag gi mdun du 'dug ste/ sangs rgyas kyi gzugs bstan nas
298a6 'di skad ces smra'o/ /sangs rgyas ye shes bden pa yis/ /srid pa'i rgya mtsho gang sgrol ba/ /ye shes de la myur du reg /sdug bsngal kun las 'grol bar 'gyur/ /de'i tshe sems can de dag sangs rgyas yid la byed pa'i sgras dga' zhing rangs
298a7 nas 'chi ba'i dus byas te/ sangs rgyas kyi zhing rnyog pa med pa yongs su dag pa/ gang na sangs rgyas bcom ldan 'das bzhugs pa/ 'tsho ba/ gzhes pa/ chos kyang ston pa der skye bar 'gyur ro/ /de bzhin du chos dang / dge 'dun la
298a8 brjod par bya'o/ /de lta bas na byang chub sems dpa' nam mkha'i snying po ni yon tan gyi chos bsam gyis mi khyab pa dang ldan no/ /gang yang ting nge 'dzin rnam pa sna tshogs la sems kyis shin du dbang bya bar 'dod na/ des tho rangs kyi
iiif viewer powered by OpenSeadragon
Texts on this page
J202(a) - 'phags pa nam mkha'i snying po zhes bya ba theg pa chen po'i mdo