| e-texts navigator |
| བོད་ཡིག |
297b1 rdzogs par 'gyur ba dang / ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de lta bu'i thabs dang shes rab kyang de la ston to/ /de bas na rigs kyi bu byang chub sems
297b2 dpa' sems dpa' chen po nam mkha'i snying po 'di ni shin du dpa' ba las byung ba'i yid bzhin gyi nor bu rin po che yan lag gi dam pa mgo bo la 'dug par snang ngo / /de lta bas na byang chub sems dpa' sems dpa' chen po nam
297b3 mkha'i snying po ni yon tan bsam gyis mi khyab pa dang ldan no/ /rigs kyi bu gzhan yang sems can gang byang chub sems dpa' nam mkha'i snying po'i ming thos sam/ gzugs 'drir 'jug gam/ de la mchod pa
297b4 byed dam/ rim gro byed/ bsti stang byed/ bkur sti byed/ mchod pa byed cing / me tog dang / spos dang / phreng ba dang / byug pa dang / gdugs dang / rgyal mtshan dang / ba dan rnam pa du ma dag gis bkur stir byed/ phyag
297b5 'tshal bar byed/ bdag gi srog kyang de la 'bul bar byed na sems can de dag ni mes 'chi ba'i dus byed par mi 'gyur/ chus ma yin/ mtshon gyis ma yin/ dug gis 'chi bar mi byed de/ de dag tshe zad pa ma gtogs
297b6 par mi 'am mi ma yin pa sus kyang de dag gi srog dbrog par mi nus/ dus ma yin par mi 'chi/ nad bu can du mi 'gyur/ bkres pa dang skom pas 'chi ba'i dus byed par mi 'gyur/ rgyal po'i chad pas chod par
297b7 mi 'gyur/ 'chi ba'i dus la bab kyi bar du ltung ba'i rtsa ba 'byung bar mi 'gyur/ de dag mig gis gzugs mi mthong / rna bas sgra mi thos/ snas dri mi tshor/ lces ro mi myong / lus kyis reg bya mi shes shing /
297b8 da dung du dbugs phra mo 'byung ba dang 'jug par byed/ da dung du de'i lus la tshe dang / drod dang / rnam par shes pa 'jug par 'gyur ba de'i tshe/ de dag la byang chub sems dpa' nam mkha'i snying po tha mal par ston par
iiif viewer powered by OpenSeadragon
Texts on this page
J202(a) - 'phags pa nam mkha'i snying po zhes bya ba theg pa chen po'i mdo