rKTs

e-texts navigator

Volume

Page

25a₁ lags/ ji ltar na rnam par phye ba rnams sdud pa lags/ bka' stsal pa/ bsreg par bya ba sreg pa ni nyon mongs pa thams cad shes rab kyi mes sreg pa'o/ /tshig pa skyed pa ni thabs kyis phung po dang /
25a₂ khams dang / skye mched rnams gzung ba'o/ /skyes nas gtong ba ni sems can thams cad kyi bya ba ci yod pa la snying las su bya ba'o/ /rnam par phye bas bsdu ba zhes bya ba de ni yongs su bsngo ba'i tshig bla dgas te de ni tshul lo/ /
25a₃ rigs kyi bu dag de lta bas na dus ma yin pa ni dus su shes par gyis shig /dus ni dus ma yin par shes par gyis shig /dus dang dus ma yin pa la mkhas par yang gyis shig /gsol pa/ bcom ldan 'das ji ltar na byang chub
25a₄ sems dpa' rnams dus ma lags pa la dus su 'tshal ba lags/ ji ltar na dus la dus ma lags par 'tshal ba lags/ ji ltar na dus dang dus ma lags pa la mkhas pa lags/ bka' stsal pa/ gang nyan
25a₅ thos kyis thob par bya ba'i dus de ni byang chub sems dpa'i dus ma yin no/ /pha rol du phyin pa thams cad yongs su rdzogs par byas te bla na med pa yang dag par rdzogs pa'i byang chub tu mngon par rdzogs par 'tshang rgya ba ni
25a₆ byang chub sems dpa'i dus so/ /dus dang dus ma yin pa la mkhas par bya ba ni dus bzhin du dge ba'i rtsa ba yang dag par bsgrub pa'i phyir te de ni tshul lo/ /rigs kyi bu dag de lta bas na 'byor pa ni phye shig ma
25a₇ 'byor pa ni sbyor cig / 'byor pa dang ma 'byor pa la chags par yang ma byed cig /gsol pa/ bcom ldan 'das ji ltar na byang chub sems dpa' rnams 'byor pa 'byed pa lags/ ji ltar na ma 'byor pa ni
25a₈ sbyor ba lags/ ji ltar na sbyor ba dang / mi sbyor ba la ma chags pa lags/ bka' stsal pa/ 'byor pa ni phyin ci log bzhi 'khor ba'i 'dam dang 'byor pa ste/ de ni byang chub sems dpas dbye bar bya'o/ /

_{iiif viewer powered by OpenSeadragon}

24b - 25b

Texts on this page