rKTs

e-texts navigator

Volume

Page

18b₁ bcom ldan 'das ji ltar na byang chub sems dpa' rnams 'jigs par bgyid pa lags/ ji ltar na mngon par dga' ba ma mchis pa lags/ ji ltar na snying brtse ba ma mchis pa lags/ ji ltar na snying rje
18b₂ ma mchis pa lags/ bka' stsal pa/ 'jigs shes bya ba ni nyan thos dang rang sangs rgyas kyi sas 'jigs pa'o/ /mngon par dga' ba med ces bya ba ni gzugs med pa'i snyoms par 'jug pa
18b₃ rnams la dga' ba med pa'o/ /snying brtse ba med pa ni phyi rol gyi dngos po rnams yongs su btang ba la'o/ /snying rje ba med pa ni nang gi dngos po mgo la sogs pa yongs su btang ba la ste de ni tshul lo/ /rigs kyi bu
18b₄ dag de lta bas na bden pa yang khong du chud par gyis shig / brdzun du smra ba yang ma spang zhig /gsol pa/ bcom ldan 'das ji ltar na byang chub sems dpa' rnams bden pa khong du chud par bgyi ba lags/
18b₅ ji ltar na brdzun du smra ba ni mi spong ba lags/ bka' stsal pa/ bden pa khong du chud par bya ba ni nyan thos dang rang sangs rgyas 'dul ba'i phyir ro/ /brdzun du smra ba mi spang ba ni 'dus byas la nye bar spyod
18b₆ pa'i phyir te de ni tshul lo/ /rigs kyi bu dag de lta bas na pha rol tu phyin par bgyis te/ tshu rol gyi ngogs la blta bar gyis shig /pha rol tu phyin par ma byed par pha rol gyi ngogs la blta bar gyis shig /
18b₇ gsol pa/ bcom ldan 'das ji ltar na byang chub sems dpa' rnams pha rol du phyin cing tshu rol gyi ngogs la blta ba lags/ ji ltar na pha rol du phyin par mi bgyid cing pha rol gyi ngogs la blta ba lags/
18b₈ bka' stsal pa/ pha rol du phyin pa ni sems can thams cad kyi sems dang / spyod pa dang / bsam pa la'o/ /tshu rol gyi ngogs la blta ba ni sems can thams cad yongs su smin par bya ba'i phyir ro/ /

_{iiif viewer powered by OpenSeadragon}

18a - 19a

Texts on this page