| e-texts navigator |
| བོད་ཡིག |
100b1 chos kyis gnas pa dag dang / yon tan gyis phyug pa dag dang / sems la dbang dang ldan par gyur pa rnams bde ba la reg pa dang / rnam par tho 'tsham pa med par bya ba'i phyir dang / nga'i bstan pa rab tu mi 'jig par
100b2 bya ba'i phyir dang / byang grol gyi bde ba yongs su rdzogs par bya ba'i phyir sa chen po 'di yongs su spyad par byas pa yin no/ /don de nyid byin gyis brlab par bya ba'i phyir de ltar na byang chub sems dpa' sems dpa'
100b3 chen po rnams bsam gtan gyi yul dag gis rnam par rtse bar byed do/ /sa phyogs gang dang gang na byang chub sems dpa' sems dpa' chen po 'di dag 'khod cing bsam gtan gyi yul dag gis rnam par rtsen
100b4 par byed pa de dang der/ da ltar dang ma 'ongs pa'i dus na yang kha cig tu la lar nga 'das nas sems can 'khor ba'i 'jigs pas skrag par byed cing mya ngan las 'das pa 'dod pa dag sku gdung gi mchod rten dag byed du
100b5 'jug par 'gyur zhing / sangs rgyas kyi bzhugs khang dag gam/ sangs rgyas kyi sku gzugs dag gam/ chos kyi bzhugs khang dag byed par 'gyur ro/ /yang na der glegs bam du bri ba byas nas nga'i chos kyi sku yang
100b6 'chang bar 'gyur ro/ /der yang mchod pa rnam pa sna tshogs dag kyang byed par 'gyur zhing / der rin po che rnam pa sna tshogs dag kyang 'bul bar 'gyur te/ 'di lta ste/ gser dang / dngul dang / bai dUr+ya dang / shel dang /
100b7 mu tig dmar po dang / rdo'i snying po dang / spug dang / nor bu dang / mu tig dang / dbyig dang / dung dang / man shel dang / byi ru la sogs pa dang / dar yug dang / dril bu dang / za bug dang / gso ras bzang po dang /
100b8 yul ka shi'i ras bzang po dang / dbu rten nang tshangs can dang / gding ba dang / gdugs dang / rgyal mtshan dang / ba dan dang / chos gos dang / mgur gyi rgyan dang / spos dang / me tog dang / bdug pa dang / rol mo'i
iiif viewer powered by OpenSeadragon
Texts on this page
J199 - 'phags pa shin tu rgyas pa chen po'i sde nyi ma'i snying po zhes bya ba'i mdo