| e-texts navigator |
| བོད་ཡིག |
259b1 po ting nge 'dzin tha dad pa dag la rnam par rtse ba sha stag go/ /yang de'i tshe gcod byed kyi bu'i rgyal po glog legs btsun la sogs pa gcod byed gyi bu'i rgyal po sa ya phrag brgyad la gcod byed kyi bu'i rgyal po
259b2 re re yang 'khor gcod byed kyi bu 'bum phrag grangs med pa dag dang / bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /
259b3 gcod byed kyi bu'i rgyal po de dag thams cad kyang byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ /yang de'i tshe rig sngags 'chang gi rgyal po rin chen 'dzin la
259b4 sogs pa rig sngags 'chang gi rgyal po sa ya phrag drug la rig sngags 'chang gi rgyal po re re yang 'khor rig sngags 'chang 'bum phrag grangs med pa dag dang / bcom ldan 'das ga la ba der dong ste lhags nas
259b5 bcom ldan 'das kyi zhabs la mgo bos phyag 'tshal te phyogs gcig tu 'khod do/ /yang de'i tshe 'byung po'i rgyal po glang po'i snying po la sogs pa 'byung po'i rgyal po sa ya phrag gsum dang / brgyad 'bum la 'byung po'i
259b6 rgyal po re re yang 'khor 'bum phrag grangs med pa dag dang / bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /yang de'i tshe drang srong
259b7 mes sbyin la sogs pa drang srong sa ya phrag dgu la drang srong de dag thams cad kyang mngon par shes pa lnga dang ldan pa sha stag ste/ bcom ldan 'das ga la ba der dong nas lhags te/ bcom ldan 'das kyi zhabs la mgo
259b8 bos phyag 'tshal nas phyogs gcig tu 'khod do/ /yang de'i tshe mnyan yod kyi grong khyer chen po nas ko sa la'i rgyal po gsal rgyal 'khor 'bum phrag du ma dang / dpung gi tshogs yan lag bzhi pa dag dang /
iiif viewer powered by OpenSeadragon
Texts on this page
J176(a) - 'phags pa sprin chen po'i mdo las phyogs bcu'i byang chub sems dpa' rgya mtsho 'dus pa'i dga' ston chen po la rtse ba zhes bya ba'i le'u