| e-texts navigator |
| བོད་ཡིག |
257a1 bzhin te/ ri dang / rdo dang / bong ba dang / gyo mo dang / gseg ma la sogs pa med par 'gyur zhing mu stegs can gyi ming yang med par 'gyur ro/ /nyan thos dang / rang sangs rgyas thams cad kyi ming yang
257a2 mi grag par 'gyur ro/ /skyes pa dang bud med dag gi byang chub sems dpa'i dge 'dun yang 'byung bar 'gyur ro/ /de na nyan thos dang / rang sangs rgyas shes pa'i gtam gyi ming yang med de/ theg pa chen po'i mdo'i
257a3 gtam rgyas par ston par 'gyur ro/ /bdud dang phyir rgol ba bcom pa'i sems can rnams 'byung bar 'gyur ro/ /dag cing bzod pa chen po'i rnyed pa thob pa dag 'byung bar 'gyur ro/ /sa gzhi yang nor bu rin po che thams cad las grub
257a4 par 'gyur te/ 'dzam bu'i chu bo'i gser gyi me tog dang / pad ma thams cad kyis spras par 'gyur ro/ /de bzhin gshegs pa de yang tshe dpag tu med par 'gyur ro/ /de bzhin du mi rnams kyi tshe yang tshad med par 'gyur ro/ /
257a5 de bzhin gshegs pa de ni grong khyer gtsang ma bsung ldan du bzhugs par 'gyur ro/ /bcom ldan 'das de'i smon lam gyi khyad par gyis na ma 'ongs pa'i sems can gyi tshogs mang po dag gis de bzhin gshegs pa de'i mtshan
257a6 thos pa tsam gyis rang gi lus las shi 'phos ma thag tu 'jig rten gyi khams gtsang ma sbyong ba der grong khyer gtsang ma bsung ldan du skye bar 'gyur zhes nga smra'o/ /ngan song bzhi yang de dag gi spyod yul gyi sar mi 'gyur ro/ /sprin
257a7 chen snying po de bas na nga ni bcom ldan 'das 'jig rten gyi khams gtsang ma sbyong ba dang / bskal pa gtsang zhing bden pa'i mtshams shes bya ba dang / de bzhin gshegs pa gtsang zhing bden pa'i mtshams 'phel bar mdzad pa zhes
257a8 bya ba yon tan gzung ba smra'o/ /de nas 'khor chen po'i nang nas lha dang mi'i tshogs tshad med pas bcom ldan 'das la mchod pa chen po'i las byas te gar byas/ glu blangs nas bcom ldan 'das de'i byang chub sems
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo