| e-texts navigator |
| བོད་ཡིག |
254b1 bcom ldan 'das kyis bshad du gsol/ bcom ldan 'das kyis bka' stsal pa/ byang chub sems dpa' 'od mtha' yas shes bya ba thabs la mkhas pa 'di ni lha mo dri ma med pa'i 'od 'di lung bstan pa
254b2 yongs su gzung ba dang / sems can thams cad yid dang bar bya ba dang / sems can thams cad la phan pa dang / bde bar bya ba dang / nges par bsgral ba dang / ting nge 'dzin 'di la mchod pa bya ba'i phyir 'ongs
254b3 so/ /gsol pa/ lha mo dri ma med pa'i 'od gang du bud med kyi lus las ldog par 'gyur ba bcom ldan 'das de bzhin gshegs pas lung bstan tu gsol/ bka' stsal pa/ sprin chen snying po bud med kyi lus
254b4 las gang du ldog par 'gyur zhes de ltar ma lta shig gsol pa/ bcom ldan 'das 'o na ji lta bu lags/ bka' stsal pa/ 'di ni bud med ma yin te/ lha mo dri ma med pa'i 'od 'di ni bskal pa bye ba phrag grangs med
254b5 pa nas byang chub sems dpa'i bya ba byed pa yin te/ sems can 'dul ba'i dbang gis bud med kyi lus 'dzin pas na 'di ni thabs kyi lus yin par blta'o/ /ting nge 'dzin 'di la gnas pa'i byang chub sems
254b6 dpa' sems dpa' chen po ni rtag tu thabs thams cad la 'jug pa'i phyir sems kyi smon lam gyis smon par byed de 'dod bzhin du bud med kyi lus kyi 'du shes la 'jug go/ /de ltar bud med kyi lus bsgrub
254b7 pa'i bsam pa las 'jug kyang 'dod pa'i sems kyis gos par mi 'gyur zhing 'dres par yang mi 'gyur ro/ /gsol pa/ sems can thams cad kyi don gyi slad du lha mo dri ma med pa'i 'od lung bstan pa rigs
254b8 dang / grong dang bcas par cho ga bzhin du bcom ldan 'das kyis 'dir bshad du gsol/ bcom ldan 'das kyis bka' stsal pa/ lha mo dri ma med pa'i 'od 'di ni nga thabs kyis yongs su mya ngan las
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo