| e-texts navigator |
| བོད་ཡིག |
254a1 pa mdzad pa'i rgyu gang lags/ rkyen gang lags/ ci'i slad du ni 'od zer rnams byung bar gyur/ bcom ldan 'das kyis bka' stsal pa/ 'di ni snga ma'i tshe nub phyogs nas byang chub
254a2 sems dpa'i mar gyur pa'i 'od chen po byung ba mthong nas khyod kyi yid la ngo mtshar du gyur te/ bcom ldan 'das 'di su'i snga ltas lags shes zer ba de nyid kyi don dang / sems can thams cad la phan
254a3 pa'i phyir nga 'dzum pa mdzad do/ /gsol pa/ bcom ldan 'das kyis byang chub sems dpa' mi/ chog de mchi shig par bka' stsal du gsol/ /bka' stsal pa/ byang chub sems dpa' 'di ni nub phyogs na
254a4 d e bzhin gshegs pa dgra bcom pa yang dag par rdzogs pa'i sangs rgyas 'od dpag med ces bya ba 'jig rten gyi khams bde ba can zhes bya ba de na da ltar 'tsho zhing gzhes te chos kyang ston pa'i de bzhin gshegs pa dgra
254a5 bcom pa yang dag par rdzogs pa'i sangs rgyas des btang ste/ bcom ldan 'das shAkya thub pa 'jig rten gyi khams mi mjed na da ltar 'dzam bu'i gling pa'i mi bsod nams chung ngu rnams la phan pa dang / bde ba dang /
254a6 yid dang ba skye bar bya ba'i phyir sprin chen po zhes bya ba'i sangs rgyas thams cad kyi tshul gyi chos chen po ston gyis song la ting nge 'dzin 'di yang zung shig ces gsungs so/ /sprin chen snying po khyod kyis 'di'i rang bzhin
254a7 gyi lus mthong ngam/ gsol pa bcom ldan 'das 'di'i rang bzhin gyi lus kyi ngo bo la dpag tshad sa ya phrag dgu dang dgu 'bum mchis te/ lus che zhing snang ba chen por gda' ba mthong lags na/ bcom ldan
254a8 'das kye ma byang chub sems dpa' lus che ba 'di'i ming ni ci zhes bgyi/ gal te tha mal pa'i lus 'di 'dra ba lags na bsgyur ba'i lus ci 'dra bar 'gyur/ ji ltar sems can thams cad la sman pa'i slad du
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo