| e-texts navigator |
| བོད་ཡིག |
253b1 des ni yang dag par mthong ngo zhes nga smra'o/ /lha mo dri ma med pa'i 'od 'di mtshan ma med pa'i ye shes ston pa de bzhin du de bzhin gshegs pa thams cad kyang ting nge 'dzin 'di la gnas pa'i byang chub sems dpa' la 'di
253b2 ston par mdzad do/ /de nas sprin chen snying pos gsol pa/ kye ma bcom ldan 'das lha mo dri ma med pa'i 'od 'di ni shin tu mkhas te phra ba shes pa dang ldan zhing mtshan ma ma mchis pa'i ye shes kyi yul bsam gyis mi
253b3 khyab pa la sgom par bgyid de/ shin du legs par yang dag par mthong ba lags so/ /de nas de'i tshe bcom ldan 'das thams cad mkhyen cing thams cad mkhyen pa dang ldan pas 'dzum pa mdzad nas 'od 'phro ba sngon
253b4 po dang ser po dang / dmar po dang / dkar po dang / le brgan dang / shel dang / dngul gyi kha dog can bcom ldan 'das kyi zhal gyi sgo nas byung ste/ 'jig rten gyi khams mtha' yas mu med par 'od kyis khyab par
253b5 gyur nas tshangs pa'i 'jig rten la thug pa'i bar du song ste slar yang log nas/ bcom ldan 'das la lan gsum bskor ba byas te/ bcom ldan 'das kyi spyi gtsug tu mi snang bar gyur to/ /de'i tshe sa rnam pa drug tu
253b6 g.yos rab tu g.yos/ ldeg rab tu ldeg par gyur te/ rigs kyi bu dper na/ byang gi sgra mi snyan gyi gling rtag tu shin du brgyan cing kho ra khor yug nas yongs su mdzes par byas pa de bzhin du stong gsum gyi
253b7 stong chen po'i 'jig rten gyi khams 'di legs par brgyan par mthong ngo / /de nas de'i tshe byang chub sems dpa' sems dpa' chen po sprin chen snying po stan las langs te/ bla gos phrag pa gcig tu gzar
253b8 nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das de bzhin gshegs pa ni don ma mchis par 'dzum pa mi mdzad na/ 'dzum
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo