rKTs

e-texts navigator

Volume

Page

253a₁ sdang dang / gti mug gi 'jigs pa la sogs pa mi dge ba'i phyogs ji snyed pa de snyed kyi bdud kyi las rtag tu byed la/ shin du gcod par byed pa'i bdud kyi las la rten pa yang ma yin
253a₂ no/ /'dzam bu'i gling dang / byang gi sgra mi snyan ji lta ba de bzhin du gling thams cad la yang sbyar bar bya'o/ /rgyal chen bzhi la la dag tu 'am/ de bzhin du sum bcu rtsa gsum pa'i tshogs kyis yongs su
253a₃ bskor ba'i nang du lha'i dbang po brgya byin lta bur bdag nyid ston te/ lha rnams kyi dbang po brgya byin yin par sum bcu rtsa gsum pa'i lha rnams kyis shes so/ /'jig rten skyong ba bzhi la yang de bzhin du sbyar ro/ /
253a₄ srid pa thams cad du yang srid pa thams cad kyi tshul du mngal du skye ba rnam par ston te/ srid pa thams cad kyi sems can rnams rang rang gi gzugs dang / 'dra bar sems so/ /de bzhin du srid pa'i yan lag bcu gnyis kyi rang
253a₅ bzhin thams cad du yang bdag nyid ston cing sems can thams cad kyang khams kyi 'du shes la 'jug par byed la/ sems can gyi khams la yang mi gnas shing chos kyi dbyings yin la/ rtag tu chos kyi gtam byed par yang
253a₆ sems can rnams kyis shes so/ /sprin chen snying po de bas na zab mo brtan pa'i chu'i rgya mtsho'i dus tshod kyi ting nge 'dzin 'di la gnas pa'i byang chub sems dpa' la ni 'jug pa'i gnas kyi gzhi gcig tu chad pa med de/ nyan thos
253a₇ dang / rang sangs rgyas kyi yul gyi rgyu ba la rgyu bar mi byed do/ /'jig rten dang 'thun par 'jug pa'i bya ba du ma dang / sems can thams cad nges par bsgral ba'i phyir ni rgyu bar yang byed de/ rtag tu 'jig rten thams cad dang
253a₈ 'thun par 'jug cing gang dang gang du gdul bar bya ba rnams snang ba de dang der yang bdag nyid ston te/ de bas na mtshan ma med pa'i 'du shes la spyod pa zhes bya'o/ /gang gis mtshan ma'i dngos po ngan pa'i 'du shes mthong ba

_{iiif viewer powered by OpenSeadragon}

252b - 253b

Texts on this page