| e-texts navigator |
| བོད་ཡིག |
245b1 mtshan ma ma mchis pa'i 'du shes yang dag par blta bar 'tshal bas ji ltar yang dag par blta bar bgyi/ bka' stsal pa/ sprin chen snying po ting nge 'dzin 'di la gnas pa'i byang chub sems dpa' sems dpa'
245b2 chen po ni stong gsum gyi stong chen po'i 'jig rten gyi khams su bdag nyid rnam pa du mar ston par byed do/ /gsol pa/ bcom ldan 'das ting nge 'dzin 'di la gnas pa'i byang chub sems dpa' stong gsum gyi
245b3 stong chen po'i 'jig rten gyi khams su bdag nyid rnam pa du mar ji ltar ston par bgyid/ bcom ldan 'das kyis bka' stsal pa sprin chen snying po 'di lta ste/ dper na sgyu ma mkhan nam/ sgyu ma mkhan gyi slob ma nan
245b4 tan du sbyangs pa mkhas pas rol mo'i nang du bdag nyid ror gyur par ston par byed/ bud med kyi lus rnam pa sna tshogs su yang ston par byed/ gcan gzan gyis zin pa dang / lus zhu ba dang / lus mi snang ba dang /
245b5 tshig pa dang / bcad pa dang / gtub pa'i rnam pas pha rol 'drid pa lta bur gsang ba rnam pa sna tshogs kyi tshul du bdag nyid ston pa dag kyang mthong na/ der rgyus shes pa'i mis 'jigs par mi bya/ mya ngan du mi
245b6 bya bar de la rig sngags kyi rang bzhin du blta bar bya'o/ /de bzhin du ting nge 'dzin 'di la gnas pa'i byang chub sems dpa' rtag pa nyid kyi lam la nan tan du sbyangs pas sems can rnams nges par bsgral ba'i
245b7 phyir stong gsum gyi stong chen po'i 'jig rten gyi khams 'dir bdag nyid rnam pa sna tshogs kyi tshul du ston par byed de/ ting nge 'dzin 'di la gnas pa'i byang chub sems dpa' bdag nyid rnam pa sna tshogs kyi tshul
245b8 du ston pa mthong na/ bstan pa'i rgyus shes shing mkhas pas skrag par mi bya/ kun du skrag par mi bya/ dngang bar mi bya/ 'jigs par mi bya/ mya ngan du mi bya bar de la sems can rtag pa nyid kyi rang bzhin du blta
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo