| e-texts navigator |
| བོད་ཡིག |
245a1 par gyur to/ /lha dang / mi rnams dang / lha ma yin dang / nam mkha' lding dang / klu dang / gnod sbyin dang / dri za rnams dang / mi 'am ci dang / lto 'phye chen po gang dag gis snar pad ma'i dri de song
245a2 ba de dag thams cad kyang chos kyi dga' ba dang / chos mnyan pa'i rgyu dang ldan par gyur te bdag nyid nyon mongs pa dang bral ba snyam du shes so/ /de nas byang chub sems dpa' sems dpa' chen po sprin chen snying pos
245a3 chos kyi 'od kyi bkod pa de mthong nas thal mo sbyar te bcom ldan 'das la 'di skad ces gsol to/ /bcom ldan 'das 'di ltar phyogs bcur 'od gda' ba 'di dang pad ma'i bkod pa byung ba 'di su'i snga ltas lags/ de nas
245a4 lha mo dri ma med pa'i 'od kyis sprin chen snying po la 'di skad ces smras so/ /'phags pa sprin chen snying po ci'i phyir bcom ldan 'das 'di su'i snga ltas lags shes smra/ mtshan ma med pa'i chos rmi lam lta bu yin yang 'dri bar byed dam
245a5 khyod la ni da dung yang phyin ci log yod pa 'dra'o/ /smras pa/ lha mo legs so/ /legs so/ /de de bzhin te/ lha mo khyod legs so/ /kho bo ni rmi lam lta bu'i yul dag la mtshan mar lta ba 'dzin pa'i 'du shes bcom ldan 'das
245a6 la zhu bar byed do/ /smras pa/ 'phags pa sprin chen snying po su'i don kyi phyir mtshan mar lta ba 'dzin pa'i 'du shes smra bar byed/ smras pa/ sems can thams cad la phan par bya ba'i phyir ro/ /smras pa/ gang bdag gi
245a7 lta ba bsal bar mi nus pa des gzhan gyi lta ba sel bar 'gyur ba de ni gnas med do/ /bcom ldan 'das kyis bka' stsal pa/ sprin chen snying po lha mos ji skad smras pa bzhin te/ ting nge 'dzin 'di la gnas pa'i
245a8 byang chub sems dpa' gang yin pa de ni mtshan ma med pa'i 'du shes yang dag par mthong ba yin no/ /gsol pa/ bcom ldan 'das 'di la gnas pa'i byang chub sems dpa' rigs kyi bu 'am/ rigs kyi bu mo
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo