| e-texts navigator |
| བོད་ཡིག |
232b1 'di snyam du bdag gis rtsa ba las ting nge 'dzin bzung ngo / /rgyud las bzung ngo / /tshigs su bcad pa las bzung ngo / /tshig las bzung ngo / /tshig phyed las bzung ngo / /ming las bzung ngo / /de bzhin gshegs pa rtag go zhes bya ba'i
232b2 yi ge 'bru gnyis las bzung ngo snyam du mi sems te/ rnam par rtog pa de dag med do/ /rnam par rtog pa med du zin kyang dge slong dang / dge slong ma dang / dge bsnyen dang / dge bsnyen ma las gang yang rung ba 'am/ spyod pa pa 'am/
232b3 kun tu rgyu 'am/ gcer bu pa la sogs pa 'am/ lus yongs su ma sbyangs pa 'am/ shes rab yongs su ma sbyangs pa 'am/ sems yongs su ma sbyangs pa yang rung ste/ 'phya ba 'am/ sting ba'i phyir ram/ rang gi
232b4 kha nas byung ngam/ gzhan gyi g.yam la byung ba 'am/ rnyed pa dang / bkur sti dang / tshigs su bcad pa 'dod pa'i phyir yang rung ste/ mnyan tam bzung na de dag gi sdig pa grangs med pa byas pa dang / las de dag lus 'di
232b5 nyid kyi tshe byung bar 'gyur la/ 'dod chags dang / zhe sdang dang gti mug gi nyon mongs pa la sogs pa'i nad 'byung ba'i phyir zhugs pa yang ma yin no/ /sprin chen snying po dper na nyi ma shar ma thag tu kha ba dang / mun pa'i
232b6 tshogs chen po rmeg med par 'gyur ro/ /de bzhin du ting nge 'dzin gyi nyi ma rtag pa 'di shar ma thag tu sems can thams cad kyi sdig pa dang / las kyi tshogs kyi kha ba dang / mun pa dang / sprin dang / sgrib pa rnams rmeg med par
232b7 'gyur ro/ /'phags pa sprin chen po'i mdo/ bam po dgu pa/ sprin chen snying po gzhan yang dper na rlung ni nam mkha' la langs nas sems can thams cad la rang dbang med par spu dang /
232b8 lus kyi yan lag thams cad kyi rtsa ba'i nang du zhugs nas me'i phung po 'jil bar byed do/ /de bzhin du 'dir yang ting nge 'dzin kyis de bzhin gshegs pa'i yon tan rtag pa nyid kyi yon tan gyis bsgos pa'i rlung
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo