| e-texts navigator |
| བོད་ཡིག |
232a1 las de bzhin gshegs pa rtag pa'i che ba nyid kyi yon tan nub par mi 'gyur ba'i bstan pa 'khor bzhi las gang yang rung ba 'am/ spyod pa pa 'am/ kun du rgyu 'am/ gcer bu pa la sogs pa la
232a2 'chad cing ston par byed dam/ yang na 'phya ba 'am/ sting ba 'am/ gzhan gyi g.yam la bya ba 'am/ 'tsho ba'i thabs kyi rgyur bya ba'i phyir ram/ rnyed pa dang / bkur sti dang / tshigs su bcad pa 'dod pa'i phyir de bzhin
232a3 gshegs pa rtag go zhes tshig tu rjod pa tsam gyis bsod nams kyi phung po gang yin pa'i brgya'i char yang mi phod/ stong gi char yang mi phod pa nas rgyu'i bar du yang mi bzod do/ /sprin chen snying po 'di lta ste/ dper na
232a4 sman gyi rgyal po rtsi'i sdong bu de'i rtsa ba khyer ram/ shun phrags sam/ pri 'am/ lo ma 'am/ me tog gam/ 'bras bu 'am/ mgo thogs sam/ sdong bu 'am/ yal ga 'am/ bur ma 'am/ rtsa ba dag khyer yang
232a5 rung ste/ de 'di snyam du bdag gi rtsa ba khyer ro/ /bdag gi shun phrags khyer ro/ /bdag gi pri khyer ro/ /bdag gi lo ma khyer ro/ /bdag gi me tog khyer ro/ /bdag gi 'bras bu khyer ro/ /bdag gi mgo thogs khyer ro/ /
232a6 bdag gi sdong bu khyer ro/ /bdag gi yal ga khyer ro/ /bdag gi bur ma khyer ro/ /bdag gi rtsa ba dag khyer ro snyam du mi sems so/ /rtsi'i sdong bu la rnam par rtog pa yong med do rnam par rtog pa med du zin kyang
232a7 sems can rab 'bring tha ma thams cad la 'o ma 'am/ zho 'am/ mar ram/ 'bru mar ram/ sman ci 'ang rung ba dag dang sbyar ba 'am/ sman thams cad dang bsres pa'i mde gu 'am/ btung ba 'am/ lus bsku bas nad sel bar byed do/ /
232a8 de bzhin du ting nge 'dzin 'di nyan pa yang rtsa ba 'am/ rgyud dam/ tshigs su bcad pa 'am/ tshig gam/ tshig gi phyed dam/ ming ngam/ de bzhin gshegs pa rtag go zhes bya ba'i yi ge 'bru gnyis kyis nyan pa dang / de
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo