| e-texts navigator |
| བོད་ཡིག |
230b1 mthong ste/ ting nge 'dzin 'di la gnas pa'i byang chub sems dpa' sems dpa' chen po ni 'dul ba'i dbang gis bya ba de lta bu dag ston par byed do/ /byang chub sems dpa' sprin chen snying pos gsol pa/ ting nge 'dzin 'di la
230b2 gnas pa'i byang chub sems dpa' sems dpa' chen po'i bkod pa'i gtso bo ni bcom ldan 'das kyis bka' stsal pa/ ting nge 'dzin 'di'i bsod nams bgyi ba'i dngos po'i che ba nyid kyi bsod nams kyi phung po ji tsam mchis
230b3 pa yang sems can rnams la bshad du gsol/ bcom ldan 'das kyis bka' stsal pa/ sprin chen snying po legs so legs so/ /sprin chen snying po khyod legs kyis ting nge 'dzin 'di'i rgyu las byung ba'i bsod
230b4 nams bya ba'i dngos po de dpe tsam du bstan par bya ste/ rigs kyi bu dper na chu klung chen po dang / 'bab chu dang / mtshe'u dang / mtsho bran dang / chu bran thams cad ni rgya mtsho chen po'i khongs su gtogs shing de'i nang du 'dus
230b5 so/ /sprin chen snying po de bzhin du mdo 'di las gzhan pa'i mdo dag gi bya ba gang ci yang rung ba rnams ni ting nge 'dzin 'di'i khongs su gtogs shing 'di'i nang du 'dus par lta bar bya'o/ /sprin chen snying po gzhan
230b6 yang mdo 'di la ma gtogs pa'i mdo dang / ting nge 'dzin dang / bsod nams bya ba'i dngos po thams cad dang / nyan thos dang / rang sangs rgyas thams cad kyi bsod nams bya ba'i dngos po de dag thams cad
230b7 gcig tu bsdus pa ni de bzhin gshegs pa rtag pa nyid kyi ting nge 'dzin 'di thang cig tsam thos pa'i byang chub kyi sems kyi khongs su gtogs shing de'i nang du 'dus par blta bar bya'o/ /sprin chen snying po de bas
230b8 na thams cad rtag pa dang / ther zug pa dang / zhi ba dang / brtan pa'i bsod nams 'dod pa'i sems gzung bar 'dod pa dang / bla na med pa yang dag par rdzogs pa'i byang chub mngon par gzung bar 'dod
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo