rKTs

e-texts navigator

Volume

Page

223b₁ 'byung bar 'gyur ro/ /ba lang dang / ma he yongs su 'dzin pa dag 'byung bar 'gyur ro/ /zhing gi dngos po yongs su 'dzin pa dag 'byung bar 'gyur ro/ /ngang pa dang / bya gag dang / phag la sogs pa'i gnas kyi rdzas du ma yongs
223b₂ su 'dzin pa dag 'byung bar 'gyur ro/ /las chen po rnam pa bcu drug byed du 'jug pa dag kyang 'byung bar 'gyur ro/ /rgyal po la bsten pa dag kyang 'byung bar 'gyur ro/ /pho nya byed pa dag 'byung bar 'gyur ro/ /
223b₃ dug sbyor du 'jug pa dag kyang 'byung bar 'gyur ro/ /dge slong gi las ma yin pa du ma byed pa dang / byed du 'jug pa dag kyang 'byung bar 'gyur ro/ /de ltar mi gti mug can de dag yongs su 'phel ba'i dus dang / dam
223b₄ pa'i chos yongs su nyams pa'i dus na 'od srung chen po dang / 'dra ba'i dge slong 'dzam bu'i gling du skye bar 'gyur te/ nga'i nyan thos kyi nang du byung nas rims kyis mu ge'i mgo byi gdul dka' ba/ dmu rgod
223b₅ rnams kyi nang du de bzhin gshegs pas gsungs pa'i mdo rnams kyi bsngags pa brjod cing / so sor thar pa'i sdom pas bsdams te/ mjug tu rang gi srog dang bsdos nas bslab pa'i gzhi bcas pa'i bar
223b₆ bsngags pa brjod par 'gyur ro/ /de'i 'og tu shing drung gi bsngags pa brjod par 'gyur ro/ /de bzhin du phyag dar khrod dang / dgon pa na gnas pa dang / 'dul ba'i bsngags pa brjod cing ma dul ba rnams tshar gcod
223b₇ par 'gyur ro/ /lha'i bu dag khyod kyis nga'i nyan thos theg pa chen po la dad pa rnyed pa dang / dge slong 'dod cing byams pa la gnas pa de la kun du bsrung ba gyis shig /lha'i bu rnams kyis gsol pa/ bcom
223b₈ ldan 'das bdag cag gis kyang dge slong 'dod cing byams pa la gnas pa de la bsnyen bkur dang g.yog bgyis te/ kun du bsrung bar yang bgyi'o/ /bcom ldan 'das bdag cag gis kyang sangs rgyas kyi

_{iiif viewer powered by OpenSeadragon}

223a - 224a

Texts on this page