| e-texts navigator |
| བོད་ཡིག |
223a1 dge bsnyen dang / dge bsnyen ma lus yongs su ma sbyangs pa dang / tshul khrims yongs su ma sbyangs pa dang / sems yongs su ma sbyangs pa dang / shes rab yongs su ma sbyangs pa dang / shes rab 'chal pa dang /
223a2 lug ltar lkug pa dang / shes rab yongs su nyams pa rnams kyis mdo 'di lta bu 'chad pa thos na yid mi ches shing bgad par byed/ sting bar byed/ 'phya bar byed la/ lkog tu song nas phan tshun slob cing smod par byed
223a3 de 'phya ba'i bsam pas de dag tshig 'di skad du ngo mtshar to/ /dge slong 'di dag ni blun zhing mu cor smra ba ste/ 'di dag ni gang yang rung ste/ sangs rgyas kyis gsungs pa ma yin gyi snyan dngags mkhan dag
223a4 gis rang bzor tshig dang / yi ge'i 'bru sna tshogs sbyar te/ 'khor gyi nang du song nas smra bar byed par zad de/ mdo 'di dag ni sangs rgyas kyis gsungs pa ma yin no zhes zer ro/ /de ltar gti mug can gyi bsod nams
223a5 chung ba/ shes rab 'chal pa/ lug ltar lkug pa/ shes rab yongs su nyams pa/ dam pa'i chos la sun 'byin pa de dag 'byung bar 'gyur ro/ /lha'i bu dag gzhan yang dge slong dang / dge slong ma dang / dge bsnyen dang /
223a6 dge bsnyen ma bsod nams chung ba/ shes rab zhan pa/ shes rab 'chal pa/ shes rab rtul ba/ shes rab chung ba/ shes rab yongs su nyams pa/ sngon gyi rgyal ba rnams la bya ba ma byas pa/ bla na med pa'i
223a7 chos rin po che las yongs su nyams pa/ chos rin po che las ye phyi rol du gyur pa/ chos rin po che yongs su spangs pa/ dge ba'i rtsa ba chung ba/ mu ge'i mgo byi gdul dka' ba/ dmu rgod dag 'byung
223a8 bar 'gyur ro/ /bran pho dang / bran mo yongs su 'dzin pa dag 'byung bar 'gyur ro/ /dbyig dang / gser yongs su 'dzin pa dag 'byung bar 'gyur ro/ /dung dang / man shel dang / byi ru yongs su 'dzin pa dag
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo