rKTs

e-texts navigator

Volume

Page

222a₁ ji ltar na thabs kyis yongs su mya ngan las 'das par brjod kyi gtan du mya ngan las 'das pa ni ma yin/ smras pa/ mthong na dga' ba dri za'i rgyal po khyod legs so legs so/ /khyod kyis thabs kyis yongs su
222a₂ mya ngan las 'das par brjod kyi/ gtan du yongs su mya ngan las 'das pa ni ma yin zhes tshig 'di legs par smras pa ni mthong na dga' ba dri za'i rgyal po khyod legs so/ /mthong na dga' ba dri za'i rgyal po gzhan yang
222a₃ thams cad dang thun mong pa'i tshad ni rtogs par nus kyi/ sangs rgyas kyi yon tan gyi che ba nyid ni gcig gi tshad kyang rtogs par mi nus so/ /smras pa btsun pa 'od srung chen po yun ji srid cig na de bzhin gshegs pa
222a₄ gtan du yongs su mya ngan las 'das pas yongs su mya ngan las 'da' bar 'gyur/ smras pa/ gang gis tshe sems can thams cad bla na med pa yang dag par rdzogs pa'i byang chub mngon par 'tshang rgya bar 'gyur zhing / mngon
222a₅ par rdzogs par sangs rgyas nas kyang yongs su mya ngan las 'das par 'gyur ba de'i tshe de bzhin gshegs pa yongs su mya ngan las 'da' bar 'gyur ro/ /smras pa/ /btsun pa 'od srung chen po de bzhin gshegs pa'i yon tan
222a₆ gyi che ba nyid ni ngo mtshar che ste/ 'di lta bu thos na su zhig bla na med pa yang dag par rdzogs pa'i byang chub tu sems bskyed par mi byed/ smras pa/ btsun pa bcom ldan 'das de bzhin gshegs pa rtag pa dang / ther zug
222a₇ pa dang / brtan pa dang / mi bskyod pa dang / dpe med pa dang / bsam gyis mi khyab pa ni nyan thos dang / rang sangs rgyas rnams kyi yul ma yin te/ de bzhin gshegs pa dag ni de bzhin gshegs pa nyid kyis mkhyen par
222a₈ zad do/ /rigs kyi bu byang chub sems dpa'i spyod pa la btang snyoms su gyis shig /'od srung chen pos bstan pa 'di bshad pa na lha'i bu sa ya dang nyis 'bum gyis bla na med pa yang dag par rdzogs pa'i byang chub tu

_{iiif viewer powered by OpenSeadragon}

221b - 222b

Texts on this page