| e-texts navigator |
| བོད་ཡིག |
221b1 za'i rgyal po zhes bya bas/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to/ /kye ma bcom ldan 'das tshul 'di 'dra ba'i de bzhin gshegs pa de dag dang /
221b2 tshul 'di 'dra ba'i mdo rnams de bzhin gshegs pa 'das pa'i 'og tu su dag 'chang bar 'gyur/ sems can ji lta bu dag 'chang bar 'gyur/ sems can ji lta bu dag gis ni nub par bgyid par 'gyur/ de nas
221b3 sangs rgyas kyi mthus tshe dang ldan pa 'od srung chen pos lha'i bu mthong na dga' ba dri za'i rgyal po la 'di skad ces smras so/ /rigs kyi bu de bzhin gshegs pa dgra bcom pa yang dag par rdzogs pa'i sangs rgyas
221b4 rnams ni yongs su mya ngan las 'da' ba med de/ chos kyang nub par mi 'gyur ro/ /de nas lha'i bu mthong na dga' ba dri za'i rgyal pos gnas brtan 'od srung chen po la 'di skad ces smras so/ /btsun pa 'od srung
221b5 chen po sems can sems 'khrul pa rnams la phan gdags pa'i phyir shod cig / btsun pa 'od srung chen po sems can the tsom du gyur pa rnams la shes pa'i sgron ma 'bar bar gyis shig /btsun pa 'od srung bdag gis
221b6 kyang ma 'ongs pa'i dus na de bzhin gshegs pa'i yon tan gyi che ba nyid rgyas par bgyi'o/ /de skad ces smras nas gnas brtan 'od srung chen pos lha'i mthong na dga' ba dri za'i rgyal po la 'di skad ces smras so/ /grogs po de
221b7 bzhin gshegs pa rnams kyi sku ni chos kyi sku yin no/ /de bzhin gshegs pa rnams kyi sku ni rdo rje mkhregs pa yin no/ /de bzhin gshegs pa rnams kyi sku ni dge ba thams cad dang ldan pa yin no/ /grogs po de bzhin gshegs pa
221b8 rnams kyi sku ni thabs kyi sku yin gyis sha'i sku ma yin no/ /rigs kyi bu de bzhin gshegs pa'i sku de 'dra ba la yongs su mya ngan las 'da' ba ga la yod/ mi rtag par yang ga la zhig 'gyur smras pa/ btsun pa 'od srung chen po
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo