| e-texts navigator |
| བོད་ཡིག |
220b1 'gyur ba ni skabs ma yin zhing mi srid de/ de ni gnas med do/ /slob dpon lung ston pa kauN+Ti n+ya byang chub sems dpa' sems dpa' chen po gang gis da ltar nga las ting nge 'dzin gyi sgo 'di thos la/ phyi ma'i tshe yang ting nge
220b2 'dzin 'di thos na smod par 'gyur ba ni skabs ma yin zhing mi srid de ni gnas med do/ /slob dpon lung ston pa kauN+Ti n+ya de bzhin gshegs pa de dag gi mtshan rnams 'chang ba'i byang chub sems dpa' sems dpa' chen
220b3 po de la dug gis tshugs pa 'am/ mtshon 'bab pa 'am/ chur 'chi ba 'am/ mes tshig par 'gyur ba 'am/ de la rgyal po 'am/ chom rkun nam/ mi 'am/ mi ma yin pa 'am/ klu 'am/ gnod sbyin nam/ seng ge 'am/
220b4 srog chags gdug pa 'am/ stag gam/ khyi 'am/ spyang ki 'am/ sbrul lam/ sdig pa rnams kyi bar chad bya ba 'am/ tshangs par spyad pa spyod pa dang / kha thon byed pa dang / lhung bzed dang / chos gos la bar chad byed par
220b5 'gyur ba ni skabs ma yin zhing go skabs med la de ni gnas med de/ las kyi rnam par smin pa ni ma gtogs so/ /slob dpon lung ston pa kauN+Ti n+ya gzhan yang dge slong ngam/ dge slong ma 'am/ dge bsnyen nam/ dge bsnyen ma gang
220b6 la las gzhan mu stegs can spyod pa pa 'am/ kun du rgyu ba rnams la dpyas pa 'am/ bsting ba 'am/ bgad pa 'am/ gzhan dang 'thun par bya ba 'am/ rnyed pa dang / bkur sti dang / tshigs su bcad pa 'dod pa'i phyir
220b7 yang rung ste/ de bzhin gshegs pa dgra bcom pa yang dag par rdzogs pa'i sangs rgyas de dag gi mtshan rnams thos na yang ngan song ngan 'gror skye bar 'gyur de ni gnas med do/ /'phags pa sprin chen po'i mdo/
220b8 bam po brgyad pa/ de nas slob dpon lung ston pa kauN+Ti n+yas bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /chos kyi rnam grangs 'di gang dag
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo