| e-texts navigator |
| བོད་ཡིག |
219a1 ni sangs rgyas dang 'dra'o/ /lha mo ming chen ni sangs rgyas kyi sku'i phyed dang 'dra'o/ /lha mos gsol pa/ bcom ldan 'das ming chen 'di lta bu la ji srid 'tsho'i bar du ji ltar bsnyen bkur bgyi/ bcom ldan 'das kyis bka'
219a2 stsal pa/ ming chen 'di ni de bzhin gshegs pa klu rigs sgron ma'i nyan thos yin te/ nga'i nyan thos nga'i lus kyi phyed dang 'dra ba ngal byas pa gzo ba ste/ da ltar gyi 'od srung chen po 'di yin gyis lha mo ji srid 'tsho'i bar du bsnyen
219a3 bkur gyis shig / de nas de'i tshe 'khor chen po'i nang nas/ lha'i bu dbyug mchog ces bya ba 'khor stong dang ldan pas bcom ldan 'das la mchod pa'i las byas nas tshigs su bcad pa 'di smras so/ /skra rtse tsam gyis rgya mtsho kun/ /
219a4 bas bar gtug tu nus lags kyi/ /gzugs mang mnga' ba'i yon tan mtsho/ /tshig tsam gyis ni brjod mi nus/ /bstan pa 'di bshad pa na lha'i bu brgya stong phrag mang po dag gis thos nas bla na med pa yang dag par rdzogs pa'i byang
219a5 chub tu sems bskyed do/ /de nas de'i tshe bcom ldan 'das kyis slob dpon lung ston pa bram ze kauN+Ti n+ya la 'di skad ces bka' stsal to/ /slob dpon lung ston pa kauN+Ti n+ya khyod kyis rnyed pa legs par rnyed kyis mngon par dad par gyis
219a6 shig / ma 'ongs pa'i dus na sems can rnams bsrung ba'i phyir khyod las glengs te srung ba'i mtshan nyid bshad de/ slob dpon lung ston pa kauN+Ti n+ya sangs rgyas kyi zhing 'di nas lho phyogs su 'jig rten gyi khams gang gA'i klung
219a7 bcu'i bye ma snyed 'das pa na 'jig rten gyi khams mngon par dang ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas blo gros mi zad pa zhes bya ba da ltar 'tsho zhing gzhes te chos
219a8 kyang ston to/ /slob dpon lung ston pa kauN+Ti n+ya sangs rgyas kyi zhing 'di nas lho phyogs su 'jig rten gyi khams gang gA'i klung nyi shu'i bye ma snyed 'das pa na 'jig rten gyi khams thams cad mnyam pa zhes bya ba yod de/
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo