| e-texts navigator |
| བོད་ཡིག |
218b1 thams cad kyi mchog yin gyis lha mo khyod legs so/ /lha mo khyod ni rgyal po brtson 'grus chen po'i klu'i btsun mo dam par gyur to/ /sprin chen po'i mdo las 'byung ba zab mo bstan pa'i chu'i rgya mtsho'i dus tshod kyi ting nge
218b2 'dzin gyi yul la ltos/ lha mo nga 'das pa'i 'og tu khyod dge ba'i rtsa ba dang smon lam gyi khyad par des/ be yi zhes bya ba de'i grong na gnas pa'i rje'u rigs su skye bar 'gyur te/ 'khor los sgyur ba'i rgyal po'i btsun
218b3 mo'i gzugs thob nas nges pa dang / nye bar gnas pa dang / bslab pa'i gzhi bcas pa blangs nas grong khyer dang / grong rdal dang bcas par 'byor cing rgyas la / bud med kyi gzugs kyis rgyal srid mngon par spyod de/ mu stegs
218b4 can ngan pa'i tshogs thams cad mngon par 'dul zhing dam pa'i chos kyi sgron ma rab tu 'bar bar byed la bcom ldan 'das kyi bstan pa la mchod pa byed de/ chos kyi sgra chen po bsgrags nas byang chub sems dpa'i spyod pas
218b5 rang gi rgyal srid yang dag par srung zhing yongs su skyong bar byed la 'jig rten dang 'thun par bya ba spyod par 'gyur te/ lha mo rgyal po brtson 'grus chen po'i klu'i gzi brjid kyi mthus khyod bsam gyis mi khyab pa la mngon par
218b6 rtse bar gyur pa yin gyis/ lha mo chos kyi rgyal po brtson 'grus chen po'i klu la rjes su yi rang bar gyis shig /rgyal po brtson 'grus chen po'i klu de ni nga'i nyan thos kyi mchog lid tsa bi gzhon nu 'jig rten
218b7 thams cad kyis mthong na dga' ba 'di yin no/ /lha mos gsol pa/ sems can thams cad la sman pa'i slad du skyes bu chen po ming chen lung bstan pa bcom ldan 'das kyis bshad du gsol/ bcom ldan
218b8 'das kyis bka' stsal pa/ lha mo ming chen lung bstan pa nyon la ji srid 'tsho'i bar du bsnyen bkur gyis shig dang / khyod kyis ming chen gyi cho 'phrul dang / yon tan chen po mngon du thob par 'gyur ro/ /lha mo ming chen
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo