rKTs

e-texts navigator

Volume

Page

212b₁ dmyal bar nges par bsreg par 'gyur bas na/ ji ltar sems can dmyal ba yang nyams su myong la de bzhin gshegs pa dgrongs par yang ji ltar sems par rung ste/ mi de gnyis ji ltar nams kyang phrad par mi 'gyur
212b₂ ba de bzhin du bram ze chen po lha sbyin de lta bu dang / de bzhin gshegs pa yang brgya lam na yang phrad par 'gyur ba de ni gnas med do/ /bram ze chen po gzhan yang gal te lha sbyin sdig can cig tu zin na/ shar
212b₃ phyogs su 'gro ba bzhin du lha sbyin de sems can dmyal bar 'gro bar 'gyur bar rig par bya'o/ /gang nub phyogs su 'gro ba lta bu de ni de bzhin gshegs pa yin par rig par bya'o/ /de la grong khyer gang yin pa de ni
212b₄ rtag tu 'jigs pa med pa'i grong khyer med par rig par bya ste/ 'di ni thabs yin par blta bar bya'o/ /sangs rgyas kyi yul 'di ni kho bo cag gis kyang bsam par mi nus par rig par bya'o/ /lha sbyin ni de
212b₅ bzhin gshegs pa'i yul yin gyi/ nyan thos dang / rang sangs rgyas kyi yul ma yin no/ /bram ze chen po byang chub sems dpa' sems dpa' chen po ser po chen po zhes bya bas gdams ngag bstan nas
212b₆ byang chub sems dpa' drug sde rnams kyi 'khor kyis bskor ba la rjes su yi rang bar gyis shig / bram ze chen po dper na/ glang po che mchog la brdeg par bya ba gang yin pa de ni bong bus shin du mi bzod de/ glang po
212b₇ che mchog la brdeg par bya ba ni glang po che mchog gis bzod par zad do/ /bram ze chen po de bzhin du de bzhin gshegs pa'i ldem po ngag gi rwas brdung ba ni nyan thos dang / rang sangs rgyas thams cad kyi bong bus mi
212b₈ bzod de/ de bzhin gshegs pa'i ldem po ngag gi rwas brdungs pa ni de bzhin gshegs pa dang 'dra bas bzod par zad do/ /bram ze chen po de bzhin gshegs pa'i yon tan gyi che ba nyid la ltas/ bram ze chen

_{iiif viewer powered by OpenSeadragon}

212a - 213a

Texts on this page