| e-texts navigator |
| བོད་ཡིག |
210b1 shAkya rigs gyis dregs pa lags so/ /kye ma mi legs par 'gyur bar 'os pa dang / dud 'gro'i skye gnas dang phrad par 'gyur ba yongs su spyod pa lags so/ /kye ma lha sbyin ni rtag tu bcom ldan 'das bgrongs par sems pa dang
210b2 skyes pa'i rabs brgya stong phrag bgrangs par las drag po bgyid pa lags so/ /lha sbyin ni sems can dmyal bar mchi ba lags so/ /kye ma lha sbyin ni stsal ba dang / bgyis pa ma mchis pa lags so/ /bcom ldan
210b3 'das kyi bka' drin gyis 'tsho la/ bcom ldan 'das kyi rtsa ba la rko ba lags so/ /kye ma lha sbyin ni sdig pa la nges pa lags so/ /lha sbyin gyi 'khor ni bdud kyi phyogs lags na/ bcom ldan 'das kyi thad du
210b4 rab tu byung zhes gda' ste/ bcom ldan 'das dgrongs par sems so/ /lha sbyin gyi 'khor ni tha ma yang ngur smrig 'chang ba tsam du bas so/ /lha sbyin gyi 'khor ni 'tsho ba ngan pas 'tsho zhing mu ge'i mgo byi lags so/ /
210b5 bcom ldan 'das khyod ni thams cad mkhyen pa lags shes gda'/ khyod ni 'bras bu mchis pa'i chos ston pa lags shes gda'/ khyod ni rigs rnam par dag par grags pa lags shes gda'/ lha sbyin ma rungs
210b6 pa 'di lta bu yang rab tu phyung lags sam/ bcom ldan 'das sems can thams cad la thugs brtse ba can gyis sems can thams cad kyi yid gnyis dang / the tsom rnam par bsal ba'i slad du dgongs pa bshad du gsol/
210b7 khyod ni rigs dri ma ma mchis shing rnam par dag pa lags na bcom ldan 'das de bzhin gshegs pas bdag nyid chen po bshad du gsol/ de nas de'i tshe sangs rgyas kyi mthus sprin chen snying pos slob dpon lung ston pa
210b8 bram ze kauN+Ti n+yis la 'di skad ces smras so/ /bram ze chen po legs so legs so/ /bram ze chen po khyod kyis sems can thams cad la phan pa'i phyir de bzhin gshegs pa la nyan thos dang / rang sangs rgyas
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo