rKTs

e-texts navigator

Volume

Page

208a₁ kyi ting nge 'dzin thob pa'i byang chub sems dpa' sems dpa' chen po ni lha'i gnas thams cad na yang bya ba la snang ste/ tshangs pa la dad pa'i sems can rnams kyi mchod pa'i 'os so snyam pa'i lta ba gcad pa'i phyir tshangs pa'i
208a₂ gnas rnams su ni tshangs pa'i gzugs lta bur snang ste/ lta ba la gnas par yang mi 'gyur ro/ /dbang phyug chen po la dad pa'i sems can rnams kyi lta ba gcad pa'i phyir dbang phyug chen po'i gnas rnams su ni dbang phyug chen po'i
208a₃ gzugs lta bur snang ste/ lta ba la gnas par yang mi 'gyur ro/ /gzhon nu la dad pa'i sems can rnams kyi lta ba bcad pa'i phyir gzhon nu'i gnas rnams su ni gzhon nu'i gzugs lta bur snang ste/ lta ba la gnas par
208a₄ yang mi 'gyur ro/ /kA t+yA'i bu'i sdig pa dang / 'tsho ba mi zad pa la dad pa'i sems can rnams kyi lta ba gcad pa dang / srog gcod pa bzlog pa'i phyir/ kA t+yA'i bu'i gnas rnams su ni kA t+yA'i gzugs lta bur snang ste/ lta ba la
208a₅ gnas par yang mi 'gyur ro/ /sems can rnams sdig pa las bzlog pa'i phyir 'byung po'i gnas rnams su ni 'byung po'i gzugs de lta bur snang zhing lta ba can thams cad kyi lha'i gnas dang / ltad mo can dang / dge mtshan
208a₆ lta ba'i gnas rnams su lta ba can gyi gzugs lta bur snang ste/ lta ba la gnas par yang mi 'gyur ro/ /sha za dang gsod pa las bzlog pa'i phyir phag 'tshong ba'i gnas su bgegs kyi mtshan ma'i tshul ston cing sha 'tshong ba lta
208a₇ bur yang snang ngo / /sems can yongs su smin par bya ba'i phyir rigs kyis chang 'tshong ba'i nang du chang 'thung ba lta bur yang snang zhing chang gi nyes dmigs yang dag par bstan pa'i phyir rigs kyi gtso bo lta bur 'gyur zhing sems can
208a₈ rnams la chang gi sbyin pa byed de/ chang la chags par yang mi 'gyur ro/ /de bzhin du las chen po bcu drug gi nyes dmigs yang dag par bstan pa'i phyir las chen po bcu drug byed pa'i rigs rnams su skyes nas las chen

_{iiif viewer powered by OpenSeadragon}

207b - 208b

Texts on this page