| e-texts navigator |
| བོད་ཡིག |
207b1 po'i mdo'i yul la ltos/ grong dang / grong khyer dang yul 'khor dang / rgyal po'i pho brang gang dag tu sprin chen po'i mdo 'di dge slong ngam/ dge slong ma 'am/ dge bsnyen nam/ dge bsnyen mas rgyas par rab tu spyod dam/ 'chad
207b2 dam ston par byed pa de dang de sprin chen po'i tshogs rnams nam mkha' la 'brug sgra 'byin cing di ri rir sgrogs la/ dus ma yin par yang char 'bebs par 'gyur ro/ /sa phyogs kyang rdo rje'i rang bzhin du 'gyur ro/ /sems can
207b3 de dag kyang rdo rje'i rang bzhin du 'gyur ro/ /sprin chen po'i mdo 'di las yi ge'i tshig gsum 'am/ bdun thos par gyur pa gang yin pa'i sems can de dag la sangs rgyas thams cad rjes su yi rang bar 'gyur na rgyas par rnam par
207b4 'byed pa lta ci smos/ sprin chen snying po/ sprin chen po'i mdo la zab mo brtan pa'i chu'i rgya mtsho'i dus tshod ces bya ba'i ting nge 'dzin yod de/ ting nge 'dzin de rtogs pa'i byang chub sems dpa' sems dpa' chen po rnams ni rtag tu
207b5 de bzhin gshegs pa'i yon tan thob par 'gyur ro/ /thos pa sogs par yang 'gyur ro/ /de bzhin gshegs pa'i chos rnams las kyang rtag tu yongs su nyams par mi 'gyur ro/ /shes rab kyang yongs su nyams par mi 'gyur
207b6 ro/ /ye shes kyang yongs su nyams par mi 'gyur ro/ /de bzhin gshegs pa'i rtag pa dang / brtan pa dang / ther zug pa dang / zhi ba'i rang bzhin dang / yon tan gyi tshogs nges par 'byed pa'i blo gros can du yang 'gyur ro/ /chos
207b7 mnyan pa dang / dge 'dun la bsnyen bkur bya ba dang yang 'bral bar mi 'gyur ro/ /bsdu ba'i dngos po bzhi la yang brtson par 'gyur ro/ /sngar smos pa'i yon tan thams cad dang yang ldan zhing mkhas par 'gyur gyis/
207b8 sprin chen snying po/ zab mo brtan pa'i chu'i rgya mtsho'i dus tshod ces bya ba'i ting nge 'dzin zung shig /sprin chen snying po gzhan yang zab mo brtan pa'i chu'i rgya mtsho'i dus tshod kyi yul la 'jug pa zab mo brtan pa'i chu'i rgya mtsho'i dus tshod
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo