rKTs

e-texts navigator

Volume

Page

205a₁ gtug par bgyi/ /ye shes kyi nor bsgrims te bsgrub pa'i mdzod kyi gleng gzhi'i le'u zhes bya ste sum bcu gsum pa'o// // sprin chen snying pos gsol pa/ yang dag pa'i mchod sbyin la phan pa'i cho ga bkod pa zhes bgyi ba'i chos
205a₂ kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ nges par bsdams pa'i cho ga brtag pa zhes bya ba'i chos kyi sgo dang / mchod sbyin la phan pa'i rin po che'i cho gas bsrungs pa zhes bya ba'i chos kyi
205a₃ sgo dang / gtsang sbra bsrung ba'i dus tshod ces bya ba'i chos kyi sgo dang / gtsang sbra la mngon par dga' ba zhes bya ba'i chos kyi sgo dang / sbyin pa'i longs spyod sbyin pa zhes bya ba'i chos kyi sgo dang / mig rab tu sbyin pa zhes bya ba'i chos kyi sgo dang /
205a₄ zab mo gsang ba ston cing 'chad pa zhes bya ba'i chos kyi sgo dang / zab mo'i chos la gces pa zhes bya ba'i chos kyi sgo dang / de kho na'i snying po la gnas pa zhes bya ba'i chos kyi sgo dang / gzhung lugs thams cad ston pa zhes
205a₅ bya ba'i chos kyi sgo ste/ bcu po de dag ni yang dag pa'i mchod sbyin la phan pa'i cho ga bkod pa zhes bya ba'i chos kyi sgo yin no/ /de nas de'i tshe lha mo chos la mngon par dga' ba zhes bya bas bcom ldan 'das la mchod pa
205a₆ byas nas tshigs su bcad pa 'di smras so/ /dpa' chen chos kyi mchod sbyin can/ /sbyin pa'i tshogs ldan de bzhin gshegs/ /sems can rnams la sman slad du/ /mchod sbyin sna tshogs ston pa mdzad/ /
205a₇ yang dag pa'i mchod sbyin la phan pa'i cho ga bkod pa'i gleng gzhi'i le'u zhes bya ste sum bcu bzhi pa'o// // sprin chen snying pos gsol pa/ sangs rgyas kyi zhing gi yang dag pa'i sa bon rab tu skyed pa zhes bgyi ba'i
205a₈ chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ rin po che'i 'byung gnas kyis rnam par rgyal ba zhes bya ba'i chos kyi sgo dang / rin po che'i 'byung gnas kyi nor gyi char

_{iiif viewer powered by OpenSeadragon}

204b - 205b

Texts on this page