| e-texts navigator |
| བོད་ཡིག |
204b1 pa 'di smras so/ /dpa' chen ye shes rtsom pa po/ /yang dag rtsom la rab sbyor ba/ /sems can rnams la phan bzhed pa/ /chos rnams sna tshogs ston pa mdzad/ /ye shes rtsom pa'i cho ga la zhugs pa'i
204b2 rnam pa'i gleng gzhi'i le'u zhes bya ste sum bcu gnyis pa'o/ / // sprin chen snying pos gsol pa/ ye shes kyi nor bsgrims te bsgrub pa'i mdzod ces bgyi ba'i chos kyi sgo bcu bcom ldan 'das kyis bshad du
204b3 gsol/ bcom ldan 'das kyis bka' stsal pa/ legs pa'i nan tan gyi sbyor ba la mkhas pa'i rin po che bsgrub pa zhes bya ba'i chos kyi sgo dang / dam pa'i chos la shin du gus par bsgrim pa'i sems la gnas
204b4 par sbyor ba zhes bya ba'i chos kyi sgo dang / bden pa'i dus tshod kyi rgyal po zhes bya ba'i chos kyi sgo dang / yang dag par zab cing brtan pa la rtse ba dang bcas pa'i rgya mtsho'i rin po che'i rdzas bsgrub pa zhes bya ba'i chos kyi
204b5 sgo dang / mngon par dga' ba bsgrub pa zhes bya ba'i chos kyi sgo dang / ye shes kyi stobs rab tu bsgrub pa zhes bya ba'i chos kyi sgo dang / mngon par rgyu ba bsgrub pa zhes bya ba'i chos kyi sgo dang / mngon par 'dod par bya
204b6 ba'i yon tan bsgrub pa zhes bya ba'i chos kyi sgo dang / lus la sbyor ba zhes bya ba'i chos kyi sgo dang / mkhas pa dang / gtsang sbra dang / nges pa dang / brtul zhugs dang / nye bar gnas pa la bsgrims te bsgrub pa zhes bya ba'i
204b7 chos kyi sgo ste/ bcu po de dag ni ye shes kyi nor bsgrims te bsgrub pa'i mdzod ces bya ba'i chos kyi sgo yin no/ /de nas de'i tshe lha mo phreng ba sna tshogs can zhes bya bas bcom ldan 'das la mchod pa byas nas tshigs su bcad
204b8 pa 'di smras so/ /gsang ba'i 'byung gnas bsam gtan zhi ba'i yan lag gi/ cod pan rnam grol chu dang dran pa bsil ba'i rlabs/ /bdag nyid rtag zab zhi ba'i bdag nyid che ba ste/ /rgya mtsho'i tshul 'dra khyod la mgo bos
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo