| e-texts navigator |
| བོད་ཡིག |
199b1 ba'i chos kyi sgo yin no/ /de nas de'i tshe lha mo mgrin dbyangs snyan pa zhes bya bas bcom ldan 'das la mchod pa byas nas tshigs su bcad pa 'di smras so/ /dpa' chen seng ge'i sgra sgrogs pa/ /de bzhin gshegs sgra
199b2 bsam mi khyab/ /sems can rnams la sman slad du/ /seng ge'i sgra ni mngon par sgrogs/ /phra zhing zab pa'i gleng gzhi'i rnam pa la 'jug pa'i le'u zhes bya ste nyi shu pa'o// // sprin chen snying pos gsol pa/ seng ge'i rnam par
199b3 rtse ba la dmigs pa zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ rjes su bya bar dka' ba dri ma med pa zhes bya ba'i chos kyi sgo dang / sbrang ma dang bung ba'i me tog gi
199b4 dri zhes bya ba'i chos kyi sgo dang / rin po che rnam par bsgyings pa'i blo gros kyis rnam par rtse zhing gnyid kyis non pa zhes bya ba'i chos kyi sgo dang / rin po che'i lhun po mngon par rab tu g.yo ba'i mchog thob par dka' ba zhes bya ba'i
199b5 chos kyi sgo dang / chu 'bab pa lta bur rtse ba'i rgyal po zhes bya ba'i chos kyi sgo dang / sa kun du rab tu g.yo ba rgya cher rtse ba la dmigs pa zhes bya ba'i chos kyi sgo dang / lag pa g.yas g.yon gyi mthil gsal bar gcad pa lta bur
199b6 mngon par rtse ba zhes bya ba'i chos kyi sgo dang / nya po che dag gi mjug ma mngon par rtse ba'i rgyal po zhes bya ba'i chos kyi sgo dang / thob par dka' ba dang / rtogs par dka' ba rab tu ston pa la mngon par rtse ba zhes bya ba'i chos kyi sgo dang /
199b7 rgyan thams cad kyi rnam pa la rab tu dga' zhing mngon par rtse ba la dmigs pa zhes bya ba'i chos kyi sgo ste/ bcu po de dag ni seng ge rnam par rtse ba la dmigs pa zhes bya ba'i chos kyi sgo yin no/ /de nas de'i tshe lha'i bu seng ge
199b8 dpa' bo zhes bya bas bcom ldan 'das la mchod pa'i las byas nas tshigs su bcad pa 'di smras so/ /kye ma bcom ldan sangs rgyas dpe med pa/ /ye shes dpe med dag la rab tu gnas/ /sems can rnams la bde mang
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo