| e-texts navigator |
| བོད་ཡིག |
198a1 ba'i gtam gyi gleng gzhi'i le'u zhes bya ste bcu drug pa'o/ / // sprin chen snying pos gsol pa/ ye shes rdo rje'i rnam pa la 'jug pa'i mdzod srung ba zhes bgyi ba'i chos kyi sgo bcu bcom ldan 'das kyis bshad du
198a2 gsol/ bcom ldan 'das kyis bka' stsal pa/ rtse ba'i rin po che'i mdzod ces bya ba'i chos kyi sgo dang / tshul rab tu dga' ba'i rgyal po zhes bya ba'i chos kyi sgo dang / tshul gyi rdzu 'phrul gyi rnam par 'phrul pa'i rgyal po zhes bya
198a3 ba'i chos kyi sgo dang / ngang pa 'phyos pa'i gnas kyi rnam pa zhes bya ba'i chos kyi sgo dang / nam mkha' legs par brgyan pa'i rgyal po zhes bya ba'i chos kyi sgo dang / bum pa shing gi mgo thogs can gyi sman gyi rgyal po zhes bya ba'i
198a4 chos kyi sgo dang / rgya mtsho zab mo mi 'khrugs pa lta bu'i blo gros la 'jug pa'i rgyal po zhes bya ba'i chos kyi sgo dang / rab tu dul ba'i gzi brjid stobs can gyi dus tshod kyi rgyal po zhes bya ba'i chos kyi sgo dang / bsam gyis
198a5 mi khyab pa'i gnas kyi mtha' la mi rtogs pa zhes bya ba'i chos kyi sgo dang / bskal pa la khyab pa zhes bya ba'i chos kyi sgo ste/ bcu po de dag ni ye shes rdo rje'i rnam pa la 'jug pa'i mdzod srung ba zhes bya ba'i chos kyi sgo yin no/ /
198a6 de nas de'i tshe lha mo ye shes phra ba la dga' ba zhes bya bas bcom ldan 'das la mchod pa byas nas tshigs su bcad pa 'di smras so/ /sangs rgyas mdzad bral cha dang bral/ /de bzhin gshegs pa ma skyes kyang / /skyes pa lta
198a7 bur ston mdzad de/ /ye shes rdo rje rnam mnga' mnga'/ /ye shes rdo rje'i rnam pa la 'jug pa'i gleng gzhi'i le'u zhes bya ste bcu bdun pa'o// // sprin chen snying pos gsol pa/ longs spyod mi zad pa'i rnam pa la 'jug pa'i
198a8 rnam par 'phrul pa'i rgyal po zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ bdud rtsi'i blo gros la 'jug pa zhes bya ba'i chos kyi sgo dang / bde bas tshim pa la
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo