| e-texts navigator |
| བོད་ཡིག |
193b1 rgyal po zhes bya ba dang / srid par skye ba na mi dge ba'i phyogs kyi chos rnams kyis ma gos par gnas shing 'jug pa gsang ba'i bkod pa'i rgyal po zhes bya ba'i chos kyi sgo yod de/ bcu po de dag ni srid par skye bas rtse ba'i
193b2 rnam pa la 'jug cing gnas pa bgrod pa'i gsang ba bkod pa'i rgyal po zhes bya ba'i chos kyi sgo yin no/ /de nas de'i tshe lha mo rgya cher dga' ba zhes bya bas bcom ldan 'das la mchod pa'i las byas nas/ tshigs su bcad
193b3 pa 'di dag smras so/ /ma skyes khyod la phyag 'tshal lo/ /de bzhin gshegs pa thabs kyi sku/ /srid par skye ba sna tshogs pa/ /dri med thams cad thub pas bstan/ /dpa' bo chen po rtag pa'i sku/ /srid skye'i dgyes
193b4 pa rgya mtsho mnga'/ /gos pa med pa'i de bzhin gshegs/ /'khor ba dag ni dge bar bzhed/ /srid par skye ba'i gleng gzhi'i le'u zhes bya ste lnga pa'o// // sprin chen snying pos gsol pa/ 'khor ba'i nyon mongs pa'i zhing
193b5 gi las kyi sa thob par bgyi ba'i slad du/ sems kyis yang dag par len pa'i rnam par grol ba'i smon lam gsang ba'i chos kyi sgo bcu bcom ldan 'das kyis rgyas par bshad du gsol/ de bzhin gshegs pas bshad
193b6 du gsol/ bcom ldan 'das kyis bka' stsal pa/ 'khor ba'i nyon mongs pa'i zhing gi 'bras bu 'thob pa zhes bya ba dang / 'khor ba'i nyon mongs pa'i zhing la dga' ba'i rgyal po zhes bya ba dang / 'khor ba'i sbyor ba la sems
193b7 gnas pa zhes bya ba dang / 'khor ba la mchog tu dga' ba'i gzungs zhes bya ba dang / 'khor bar 'gro ba zhes bya ba dang / 'khor bar shin tu char 'bebs pa zhes bya ba dang / 'khor ba rgyun mi gcod pa'i rlung gi rgyal po zhes bya
193b8 ba dang / 'khor ba'i chom rkun zhes bya ba dang / 'khor ba'i rtsa ba'i spyod yul dri ma med pa zhes bya ba dang / 'khor ba na yun ring du gnas pa rnams la snang bar byed pa zhes bya ste/ bcu po de dag ni 'khor ba'i nyon mongs pa'i zhing gi
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo