| e-texts navigator |
| བོད་ཡིག |
193a1 med pa zhes bya ba dang / mi mnyam zhing shin du mi mnyam la mi mnyam pa yang ma yin pa zhes bya ba dang / sdug bsngal zhing mi bde la bde ba zhes bya ba dang / stong zhing shin du stong la stong pa ma yin pa zhes bya ba dang /
193a2 mi rtag cing shin du mi rtag la shin du rtag pa zhes bya ba dang / bdag med par gyur la shin du bdag nyid du gyur pa zhes bya ba dang / mi sdug cing shin du mi sdug la shin du sdug pa zhes bya ba yod de/ nyi shu rtsa gsum po de dag ni ldem po ngag gi
193a3 gzhi'i bye brag la 'jug pa la rmongs pa'i tshul can gyi chos kyi thabs kyi rgyun gyi rnam par thar pa'i sgo yin no/ /de nas de'i tshe 'khor chen po'i nang nas lha'i bu skye bo thams cad dga' ba zhes bya bas bcom ldan 'das la lha'i
193a4 mchod pa chen po byas nas tshigs su bcad pa 'di smras so/ /kye ma deng ni nyan thos kun/ /myos par byed pa'i rgyu chen byung / /sems can rnams la sman slad du/ /lha chen mtha' yas gzugs mnga' ba/ /de bzhin
193a5 gshegs pa'i ldem po ngag / thugs su chud nas ston pa mdzad/ /ldem po ngag gi gleng gzhi'i le'u zhes bya ste bzhi pa'o// // sprin chen snying pos gsol pa/ srid par skye bas rtse ba'i rnam pa la 'jug cing gnas pa bgrod
193a6 pa'i gsang ba bkod pa'i rgyal po zhes bgyi ba'i chos kyi sgo bcu bcom ldan 'das kyis rgyas par bshad du gsol/ bcom ldan 'das kyis bka' stsal pa/ sprin chen snying po/ sprin chen po'i mdo la srid par skye bas rab tu
193a7 dga' ba'i rgyal po zhes bya ba'i chos kyi sgo dang / srid par skye ba la 'dod cing blo gros dang ba zhes bya ba dang / srid par skye ba la sred pa zhes bya ba dang / srid par skye ba la brtsam pa med pa zhes bya ba dang / srid par skye ba la rab tu dad
193a8 pa zhes bya ba dang / srid par skye bar smon pa la mkhas pa zhes bya ba dang / srid par skye ba'i bsngags pa rjod pa zhes bya ba dang / srid par skye ba la dmigs pa'i rgyal po zhes bya ba dang / srid par skye ba la mkhas pa'i dbang phyug
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo