| e-texts navigator |
| བོད་ཡིག |
191a1 pa 'di smras so/ /kye ma bcom ldan sangs rgyas ni/ /bsam yas dpag med de bzhin gshegs/ /sems can rnams la sman slad du/ /char chen rnam pa sna tshogs 'bebs/ /ting nge 'dzin
191a2 gyi le'u zhes bya ste gnyis pa'o/ / // 'phags pa sprin chen po'i mdo/ bam po lnga pa/ de nas bcom ldan 'das la byang chub sems dpa' sems dpa' chen po sprin chen snying pos 'di skad ces gsol to/ /shin
191a3 du rgyas pa las phyi rol pa 'on pa lta bur gyur pa rnams kyi theg pa chen po'i rna ba'i khams yongs su rdzogs par bgyi ba'i slad du/ bcom ldan 'das kyis phyir mi zlog pa'i ye shes mtha' yas pa rin po che'i 'byung gnas
191a4 la mngon par 'jug pa zhes bgyi ba'i gzungs kyi chos kyi sgo'i gzhi sum cu rtsa drug sngar smos te bzhag pa rgyas par bshad du gsol/ bcom ldan 'das kyis bka' stsal pa/ sprin chen snying po phyir mi zlog
191a5 pa'i ye shes mtha' yas pa rin po che'i 'byung gnas la mngon par 'jug pa zhes bya ba'i gzungs kyi chos kyi sgo sum cu rtsa drug rgya cher nyon cig / sprin chen snying po sprin chen po'i mdo yul bsam gyis mi khyab pa la de bzhin
191a6 gshegs pa rnams dang / byang chub sems dpa' rnams kyi phyir mi zlog pa'i 'khor lo rin po che'i mdzod ces bya ba'i gzungs dang / phyir mi zlog pa'i sprin chen po dri ma med pa'i snying po'i chu zhes bya ba'i gzungs dang /
191a7 phyir mi zlog pa'i sprin chen po'i snying po snang ba zhes bya ba'i gzungs dang / phyir mi zlog pa'i sprin chen po'i chu'i blo gros shes bya ba'i gzungs dang / phyir mi zlog pa'i sprin chen po'i chu'i rgyun ces bya ba'i gzungs dang /
191a8 phyir mi zlog pa'i sprin chen po zad mi shes pa'i blo gros pa shes bya ba'i gzungs dang / phyir mi zlog pa'i sprin chen po'i glog gi 'od myur ba zhes bya ba'i gzungs dang / phyir mi zlog pa'i sprin chen
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo