| e-texts navigator |
| བོད་ཡིག |
190b1 bgrang ba'i rgyal por yang 'gyur ro/ /sprin chen snying po ting nge 'dzin gyi sgo bzhi brgya po de bzhin gshegs pa rnams dang / byang chub sems dpa'
190b2 r nams kyi dam pa'i chos mi zad pa'i gter rin po che'i yan lag gi sgo gang yin pa de dag dang ldan pa'i byang chub sems dpa' sems dpa' chen po rnams
190b3 kyi ting nge 'dzin gyi rgya mtshor yang 'gyur ro/ /ting nge 'dzin yang dag par sogs par yang 'gyur ro/ /thos pa'i rgya mtshor yang 'gyur ro/ /thos pa yang dag par sogs
190b4 par 'gyur ro/ /bla na med pa yang dag par rdzogs pa'i byang chub la som nyi mi za zhing / yid gnyis med de the tsom za bar yang mi 'gyur ro/ /mi khom pa rnams su skye bar yang mi 'gyur ro/ /snga ma bzhin du sbyar te/
190b5 sangs rgyas thams cad kyi yul bsam gyis mi khyab pa/ mtshungs pa med pa/ dpe med pa/ grangs med pa/ dpag tu med pa/ bgrang ba las 'das pa la bgrang ba'i rgyal por yang 'gyur ro/ /'jig
190b6 rten dang 'thun par 'jug pa'i yul shes par yang 'gyur ro/ /de nas de'i tshe 'khor chen po'i nang nas lha'i bu dri ma med pa'i 'od kyi phreng ba can zhes bya ba lha'i bu sa ya dang brgyad 'bum dang lhan cig tu stan las
190b7 langs nas bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ bcom ldan 'das kyi zhabs la mgo
190b8 bos phyag 'tshal nas lha'i me tog dang / tsan dan gyi phye mas bsgo ba dag gis de bzhin gshegs pa la mngon par gtor te/ rang rang gi bla gos bcom ldan 'das kyi sku la gsol nas kha 'thun par tshigs su bcad
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo