| e-texts navigator |
| བོད་ཡིག |
170a1 med rnams la rab gnyen pa/ /brtan pa'i gnas na bzhugs pa ste/ /de bas mi g.yo brtan pa lags/ /kun gyi rten chen gyur pa ste/ /sman pa ther zug bdag nyid che/ /nad kyis thebs pa'i sems can
170a2 rnams/ /legs spyod che ba'i bdag nyid can/ /bcom ldan lha khyod bsam mi khyab/ /de bzhin gshegs pa thabs kyi sku/ /lha yi lha ste lha chen po/ /'jig rten kun dang 'thun par 'jug /dpa' bo chen po
170a3 gsang ba'i gsang / /gsang ba'i chos ni rab ston bya/ /ting 'dzin gzungs kyi rgyal po che/ /de bzhin gshegs pa ded dpon lags/ /byang chub sems dpa' gzi chen gyis/ /mtshungs med dpag gis mi
170a4 lang ba/ /rtag pa'i zla ba yongs su bskor/ /dpe med bskal pa bye mang mdzes/ /khyod kyi yon tan bgrang las 'das/ /rin chen 'byung gnas de bzhin gshegs/ /dpal chen gzi brjid rtag pa ste/ /
170a5 bsam yas stobs kyi rgya mtsho lags/ /sems can kun phan bsam mi khyab/ /kun la byams shing thugs brtse ba/ /thub sras sgra gcan zin bzhin du/ /sems can kun snyoms byams par dgongs/ /
170a6 de ring mnyam gyur mnyam par gzigs/ /mthu che stobs kyang che ba lags/ /mi shes srid pa'i mtsho chen las/ /deng khyod bdag ni bsgral du gsol/ /bdag cag kun gyis bzod pa gsol/ /de bzhin gshegs
170a7 pas bzod par mdzod/ /dam chos 'du ston thos nas ni/ /de bzhin gshegs pa'i che ba rtogs/ /ma 'tshal ba ni kye re mtshar/ /bdag gis yun ring mi snyan bgyis/ /de bzhin gshegs rtag ma 'tshal ba'i/ /
170a8 sems can rnams ni ngan 'gror mchi/ /ma 'tshal ba ni kye re mtshar/ /bdag gis yun ring 'khor bar bgyis/ /yongs su mya ngan 'da' snyam mdzad/ /sems can mar me'i nang dag du/ /phye ma leb ni mchong
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo