| e-texts navigator |
| བོད་ཡིག |
169b1 kyang nyan/ /dmyal ba yi ni sems can rnams/ /sdug bsngal mang po myong ba yang / /de ring me zhi shas cher bsil/ /zas skom dag gis rab tshim nas/ /de ring bde bar gnyid kyis log /de ring lha dang mi rnams
169b2 kyis/ /de 'dra'i las rnams thos pa dang / /sems can rnams kyis dam chos tshul/ /sgra bsgrags la ni mngon mchod cing / /'jug pa 'di ni ngo mtshar rmad/ /bcom ldan 'das kyis tshig gcig gsungs na ni/ /
169b3 ji ltar blo dga' bzhin du sna tshogs rtogs/ /khyod ni sems can kun gyis bde myong ba'i/ /yangs shing rnam dag chos ni ston pa mdzad/ /sems can thams cad yid bde rab dul zhing / /sems kyang rab
169b4 dga' mnyam par byams par sems/ /gcig la gcig ni nongs pa bshags nas kyang / /ma dang bu bzhin chos ni nyan par bgyid/ /sems can kun kyang bdag nyid gtsor bgyis nas/ /de ring bdag gi rang
169b5 bzhin bsam dgongs snyam/ /bdag la thugs brtses bdag gi stan bzhugs nas/ /mi mchog 'dul ba'i kha sgyur chos ston snyam/ /de ring lha khyod gdan gcig steng bzhugs nas/ /dam chos sprin gyi mdo mchog bstan
169b6 par mdzad/ /de ring chos tshogs mang la byin gyis rlob/ /sku yang mang zhing gzugs mang ba'i/ /de bzhin gshegs pa chos kyi sku/ /stan rnams kun la bzhugs nas kyang / /khyod ni chos 'di ston par mdzad/ /
169b7 lha yi lha la bdag dad nas/ /bdag cag de ring skyabs su mchi/ /khang par gnas pa'i lha kun ni/ /kye ma mi rtag mi brtan no/ /skyabs ma mchis shing mgon ma mchis/ /bsod nams chung zhing sdig par
169b8 bcas/ /klu rnams rgya mtshor 'du ba ltar/ /lha rnams thams cad khyod la rten/ /skyabs med rnams kyi skyabs lags te/ /de bas thub chen rtag pa lags/ /mgon med rnams kyi mgon yang khyod/ /gnyen
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo